فى حب "A Beautiful Mind"
فى حب "A Beautiful Mind"
الفيلم كالعادة فوق الفظيع ... Russell Crowe - Jennifer Connelly - Paul Bettany - Ed Harris .. انتى مستنى اية من فيلم فية الاربعة دول ...
.
بس على فكرة مش دى قوة الفيلم ... قوة الفيلم بتظهر فى اكتر من فكرة داخل الفيلم
الفكرة الاولى :- الاختلاف والثقة . "اختلافة عن الاخريين"
انك تتقبل فكرة انك ممكن تحدث الفارق اللى محدش قبلك قام بية ... اية المشكلة لما اتقبل فكرة انى مختلف عن الباقيين ودة يكون مصدر قوتى او تميزى ... على عكس المجتمعات المتخلفة اللى بتنظر لفكرة اختلاف شخص عن الجماعة بنظرة أقصاء وأستنكار !!
.
الفكرة التانية :- التأقلم . "مشكلتة النفسيية"
انك مهما كان شأنك كبير فى شىء او متميز فى شىء معين ممكن يحصلك خلل فى اى وقت ولازم تتقبل الامر وغير كدة انك تتقبل النقد وخصوصا لما يكون ايجابى من ناس عارفاك ومصدر ثقة فى احكامهم .
.
الفكرة التالتة :- الثبات وفكرة المبدأ .. "ان البنت مش بتكبر"
حدوث فترة من التخبط الفكرى فى حياتك دة شىء عادى وصحى جدا للعقل .. وفى اشد فترات التخبط هتبقى محتاج لشىء ثابت كمرجع يفرقلك ما بين الصح والغلط .. الشىء دة هى مبادئك اللى هتبقى عاملة زى البوصلة مهما اشتدت الريح .
.
الفكرة الاخيرة :- الثقة فى القدرة على التغيير "جائزة نوبل"
مهما كان الماضى فى حياتك واى كان محتواة فدة مش مؤشر ابدا لمستقبلك ... ومش شرط مستقبلك يكون تكلمة لماضيك .. الوقت الحاضر هوة الفيصل .. ثق انك قادر على تغير مسار حياتك فى اللحظة الحالية لأى تجاة انت عايزة والماضى يظل كما هو فى مكانة الطبيعى فى "الماضى"
.
.
وهنا يبان فرق صارخ للثقافة العامة اللى بتعرضها السينما واللى بتتمثل فى دورها الاساسى فى عرض مشاكل المجتمع اللى بتتمثل فى مشاكل افرادة وكمان عرض حلول منطقية مبرهنة ... على عكس انى اجيب رقاصة وبلطجى واعرض كل سلبيات وشهوات المجتمع فى فيلم واقول انى بناقش مشاكل المجتمع !!.
ليست هناك تعليقات