الفيش بون ... او علاج السبب
العلم هو الحل
الفيش بون ... او
علاج السبب
لو اتكلمت مع حد
فى شركتك اى كانت الشركة وسألتة يعنى اية نظريف "الفيش بون" هيقولك يعنى "عظام
السمك" ... ودى فعلا الترجمة الحرفية .. ودة مؤشر انة مش عارف انها نظرية من الاساس .
كل الكورسات اللى
درستها "بما انى موهوب فى انى اخد كورسات وادفع فلوس كتير" كانت فيها النظرية دى لازم تدرسها وتتعلمها كمان ... زى ما تقول كدة ان كل العالم
عارف ان مشكلتنا طول عمرنا هى جهلنا ببعض المبادىء الادارية البسيطة زى النظرية دى
...
اية هى "الفيش
بون"
النظرية دى ببساطة
بتقول .. انك لما يبقى عندك مشكلة او بتبحث عن علاج لشىء .. وجة كل مجهودك للسبب
المؤدى للمشكلة او المرض .. وتجاهل تماما نتائج السبب .. بمعنى انك تدور على السبب
وتعالجة بدل ما تضيع وقتك فى علاج النتائج .. لان مهما كان العلاج فعلا وقوى هيبقى
للأسف مؤقت لانة بيحاول يخفى النتائج لكن مبيعالجش السبب .
طيب اية المشكلة
الكبيرة بقى لو متبعناش النظرية دى فى كل قراراتنا !!
مشكلة رقم واحد
اننا هنهدر مصادر كتير قوى زى الوقت والمجهود والفلوس فى البحث عن علاج وهمى مش
بيقوم بدورة كعلاج . بل على العكس هوة بيقوم بدور اخفاء نتائج المشكلة لوقت
قصير
مش اكتر .
المشكلة رقم اتنين
وهى اننا فى الوقت اللى المسكن فية بيبقى شغال المشكلة الاصلية بتتضخم وبعد انتهاء
تأثير المسكن بنفوق على الم اكبر من الالم الاولانى
المشكلة رقم تلاتة ان نسبة احتمالية علاج
الشىء دة قبل المسكن ان كانت كبيرة فهى
للأسف فى فترة عمل المسكن بتكون بتتضخم عن حجمها الاولى ولما بنحاول نعالجها بعد
انتهاء المسكن بتكون نسبة احتمالية علاجها للأسف صغيرة جدا او قد تكون صفر .
مثااااااااااااااااااااال عام ذى كتب المدرسة
لو انت بطنك بتوجعك مثلا وروحت اخدت مسكن
اولا انت اخدت مسكن عام يعنى بيحاول يقلل نسبة
الالم لكن مالوش اى صلة بسبب الالم .. ومهما كانت قوة المسكن فما هوة الا وقتى
لانة فعليا مالوش اى علاقة بالسبب الرئيسى اللى ادى للألم
ثانيا انت فعلا ممكن يكون عندك مشكلة كبيرة
فى بطنك والمغص اللى جالك كان فقط مؤشر للمشكلة وفى وقت عمل المسكن المشكلة بتذيد
وانت مش دارى .
ثالثا بعد انتهاء مفعول المسكن ورجوع الالم
هيرجع بوجع اكبر من المرة الاولى والمشكلة هتبقى فعلا ذادت واحتمالية علاجها قلت
عن اول مرة وممكن فعلا تكون بقت غير قابلة للعلاج .
انت شايف انها نظرية بديهية وبسيطة جدا ...
طيب قيس عليها بقى كل مشاكل بلدنا الفترة دى ... وشوف الاسباب على حقيقتها ...
مشكلة الصرف الصحى اللى حصلت فى الامطار على
السواحل ... الحل كان ان الجيش راح سحب المية من الشوارع !!
المشاكل الادارية اللى حاصلة فى البلد واننا
بنعمل ونغير سيستم كل حاجة ونفس الناس القديمة هى هى اللى بتطبقة !!
مشاكل استخدام الثروات الطبيعية للبلد
والمشاكل المادية والمديونات واستخدام نفس الحلول مرارا وتكرارا ... اى رايس يمسك البلد يروح مستلف من دول
الخليج ومن اوروبا والنتيجة النهائية زيادة المديونية .
المشاكل هى هى .. بتبقى مشكلة ... بناخد مسكن
.. بنفوق على مصيبة غير قابلة للحل .
ليست هناك تعليقات