نيو بنى ادم
نيو بنى ادم !!
كل اللى فات انتهى
انا من بكرة انسان جديد
هبعد عن كل حاجة بتربطنى بالماضى .. الخ الخ
الخ .
دى تانى اكبر كدبة
صدقها الانسان بعد كدبة ان محمد صبحى مسيحى .
بداية اى تحول او تغير هتحاول تبدأة فى حياتك
مينفعش تسمية بداية جديدة ...
الكلمة دى اصلا لغويا غلط .. مافيش بداية جديدة
وبداية قديمة ... البداية بتبقى مرة
واحدة .. عشان كدة سموها بداية .. مش دة
موضوعنا .
وبدايتك هنا لو انت مش عارفها هى انك
"انسان" .. بيغلط وبيتعلم وبيرجع يغلط
تانى ... دى بدايتك .
طيب لية قلنا ان كلمة بدياة جديدة كدبة ؟
زى ماقلنا ان البداية بتبقى مرة واحدة .. واى
حاجة بعد كدة بتبقى تغير عادى جدا
بنمر بية .
قرارك بانك وجدت شىء خاطىء فى معادلة حياتك
وهتبدا فى تغيرة لازم بيبدأ
بتحليل لكل المرحلة السابقة ... التحليل دة لية هخطوات :-
اولا انت هتعترف قدام نفسك ان فى خطاء فعلى "الندم"
ثانيا اية الاسباب اللى ادت لانى وصلت
لللمرحلة دى
ثالثا انك تبقى عارف ازاى مترجعش للمرحلة دى
تانى
الخطوات دى هى البداية لاى مرحلة تغير فى
حياتك ...
امال كل اللى كنا بنعملة قبل كدة مكنش بداية
جديدة ؟
لا
لانها بداية قديمة مش جديدة ....
هفهمك انا القصة
كلها .. ركز معايا قوى فى الحتة دى عشان عميقة
اول ما بتبدأ طبيعتك الانسانية وعقلك البدائى
انة يدرك انة فى مرحلى او خطوة او
عادة بعيدة عن الاطار الطبيعى لحياتك كأنسان
"بتعمل حاجة غلط يعنى" بيبدأ
عقلك كالعادة يبررلك الخطاء دة
بس زى ما انت عارف ان كل حاجة دلوقتى بتتطور
... بالتالى اكتر حاجة قادرة
على التأقلم والتطور هى عقل الانسان ... المبرر هنا
هيكون مقنع جدا
"انا نفسى اقتنعت بصراحة"
المبرر اللى هيكونة عقلك هيكون كالتالى ...
عشان خاطرى ركز قوى فى الحتة
دى
المبرر هيكون كالتالى
"انت انسان زيك زى اى حد
.. معرض انك تخطاء لكن لازم نتعلم من أخطائنا ...
ونبدأ مرحلة جديدة خالية من الخطاء دة "
ستــــــــــــــــــــــــــــــــــــــــوب
هنا وقف عندك ... شوفت عقلك قالك اية .
ايوة اية المشكلة فى اللى قالوا عقلى !!
ماهوا قال كلام زى الفل ؟
اقولك لية بقى ... اول حاجة ضحك عليك فى قصة
بداية جديدة زى ما قلنا لو طلعت
فوق شوية .. انت بالفعل دخلت فى مرحلة اسوء .
تانى حاجة العقل كدة مووت "الحساس"
.
يعنى اية الحساس ؟
فكر معايا كدة لو شبهنا حالتك بالمجرم اللى
عمل جريمة وبمجرد ما واجهناة بالادلة
اعترف بأنة فعلا عمل الجريمة دى ... قو احنا هنديلة
مكافأة على اعترافة بأنة ياخد
براءة عشان يبدأ حياة جديدة !!
انت عقلك بالفعل عمل كدة .. انت حتى محاولة
اصلاح اللى بوظتة او على الاقل
شعورك بالندم تجاة اللى عملتة مش موجود .. الخطوة
دى فعلا اللى بيبدأ بعدها
التغير ..
لانها بتبقى دافع لتغير داخلى مش خارجى بس
بتبقى دافع انك تفكر فى كل اللى فات عشان
تعرف ازاى مترجعش للمرحلة دى تانى وبكدة تبدأ تفكر فى الخطوات اللى قلناها فوق من شوية
بتبقى عاملة بعد كدة فى المستقبل زى الشوكة
او صفارة الانذار اللى بتضرب فى
عقلك كل ما تيجى تمر بحاجة كانت موجودة فى المنرحلة القديمة عشان تنبهك تبعد
عنها جرررى بسبب الطعم المرر اللى بتفتكرة بسبب احساس الندم ... لانة هنا ربط
كل المرحلة القديمة بكل ما فيها بشعور الندم القاسى اللى مريت بية فى مرحلة
التغير .
بردة انا عايز اعرف اية الحساس دة ؟؟
بما انى اشتغلت فترة فى شركة انظمة امنية ..
وكان من ضمن الانظمة الامنية دى
اجهزة انذار الحريق ... الاجهزة دى عبارة عن كذا
حاجة :-
- حساس دخان .. ودة بيصفر لما يبقى فى نسبة دخان فى الجو
- حساس لهب .. ودة بيصفر لما بيبقى فى لون احمر دليل على اللهب
- حساس حرارة .. ودة بيصفر فى حالة ارتفاع درجة حرارة المكان عن درجة معينة
انت بقى لما بتعمل الحاجاة الغلط دى .. ويجى
عقلك يضحك عليك بالفيلم بتاع البداية
الجديدة .. بيخلى الحساس دة يموت او بتعطل
لانك عودتة انة ميصفرش لما الغلط
يحصل ...
وهنا هتبقى عامل زى اللى مصنعة ولع بسبب ان
حساس الحرارة مشتغلش ساعة
الحريقة ... وكبداية جديدة .. خدنا الحساس اللى باظ دة
زى ما هوة وحطناة فى
سيستم جديد فى مصنع تانى ...
السؤال هنا بقى ... لو حصلت حريقة فى المصنع
الجديد ...
انت هتبقى مستنى ان الحساس يصفر !!
#msalah
ليست هناك تعليقات