المبرر المثالى

المبرر المثالى :-

الفترة اللى فاتت بما انى مهتم بقصة ازاى الواحد مننا ممكن يعمل حاجة غلط وهوة 

عارف انها غلط ... بدأت اشوف واسمع من الناس أكتر من مبرر واكتر من سبب

 ... لكن اغلب المبررات اللى اتقالت او تقدر تقول بالبلدى كدة اللى حصل على 

المركز الاول كان المبرر التالى :- "الانسان لازم يجرب كل حاجة عشان يقدر 

يحدد الصح من الغلط".

.

المبرر دة موجود بقناعة كبيرة جدا عند ناس كتير قوى ... لكن لما قعدت احلل 

المبرر دة وجدت انة بردة فاشل زى اصحابة .. ووجدت العلاج الخاص بية ... 

انك تجرب كل حاجة عشان تعرف الصح من الغلط بينقسم لجزئين ضعاف جدا ..

 الاول وهو ان تجربة كل شىء كدبة كبيرة جدا بتضحك بيها على نفسك ... لانك

 مش بتجرب كل حاجة .. انت بتجرب الحاجات اللى نفسك فيها .. تعالى نقول كام 

مثال يوضح النقطة دى 

.

هتلاقى واحدة بتجرب تحط ميك اب ... انما مش هتلاقى واحدة بتجرب انها تقييم 

الليل 

.

هتلاقى واحد بيجرب السجاير .. انما مش هتلاقى واحد بيجرب يصوم اتنين 

وخميس 

.

هتلاقى بنت بتجرب تلبس كل انواع اللبس بحجة انها زيها زى اى بنت وان اللى 

اهم من اللبس هوة الاخلاق .. .. انما مش هتلاقيها بتجرب تسأل دينها قال 

المفروض لبسها يبقى عامل ازاى وتروح تجربة .

.

هتلاقى واحد بيجرب يرتبط بكل بنت بتقابلة فى حياتة بحجة انة بيدور على فتاة 

احلامة ... انما مش هتلاقية بيجرب يطبق على نفسة قاعدة الطيبون للطيبات 

ويدور  على انسانة محترمة ويكتفى بيها .

وبكدة يبقى دمرنا الجزء الاول بتاع انك بتجرب كل حاجة لانك بتضحك على نفسك

 انت بتجرب الحاجات اللى نفسك فيها او الحاجات اللى مبتقدرش تسيطر على نفسك

 قدامها .... 

زى ما دمرنا الجزء الاول وأثبتنا بالدليل القاطع انها كدبة بيعملها عقلنا عشان

 نستخدمها كمبرر اننا نعمل حاجة غلط .. نيجى بقى للجزء التانى ... نتيجة 

التجربة .

.
تعالى كدة وشوف اللى بدأ يجرب يشرب السجاير بعد ما جرب ... هيعمل اية ..

 هيفضل باقى عمرة كلة يشرب سجاير .. 

هتلاقى واحد يقولك انا جربت وبطلت ... جميل جدا وربنا يحميك ... بس تعالى 

شوف انت واحد من كام الف جرب وفضل يشرب طول عمرة ... لو انت جربت 

وبطلت .. فى غيرك الف جرب ومبطلش ...

.
تعالى شوف اللى بتحط ميك اب .. اللى كانت بتجرب ... وااللى كانت حجتها ان

 دى مرحلة فى حياتها .. الموضوع معاها هيقلب بأحتياج مرضى لا يمكن الاستغناء

 عنة ... بل هيبقى فى تذايد مستمر .. واظن اننا مش محتاجين مثال على الجزئية

  ان دى انت كل اللى محتاجة انك تفتح البلكونة وتتفرج لمدة دقيقتين بس .. 

هتعرف الشىء دة اللى تم الاستهتار بية من الاهالى والاب والام والاخ .. تحول 

 الى احتياج مرضى عند 99% من البنات لا يمكن الاستغناء عنة بل بقى جزء

 اساسى منها لا يمكن الاستغناء عنة مهما كانت الاسباب وفى حالة نقصانة او

 محاولة الاستغناء عنة بيتحول الموضوع لشعور بالنقص ... وعدم الثقة فى النفس 

... اة والله .

.
يبقى كدة وصلنا اننا بعد التجربة النتيجة بالعكس بقت سلبية أكتر ... والتجارب

 

اللى  نتائجها اثبتت انها خطاء للأسف بدل البعد عنها بقت عادات اصيلة فى 

الشخصية .. وبتتذايد مع مرور الوقت لحد انها بقت شىء طبيعى انك تشوفة ... 

.
وقيس على كدة حاجات كتير قوى هتشوفها بقت فينا من الطبيعى ان الناس قبلاها 

ولو جيت انت تتكلم على الظواهر دى هتتهم انك متشدد او متعصب او او او او

 وبكدة نبقى نجحنا فى تدمير جيل كامل ومجتمع بالكامل بسبب قبولنا لمبدأ زى دة

 "الانسان لازم يجرب كل حاجة عشان يقدر يحدد الصح من الغلط"

‪#‎msalah‬