خبرة ولا عقدة نفسية .. الجزء الاول
الجزء الاول : خبرة
كل العالم عندة مشكلة رئيسية فى مرحلة نضوجة ... وهى انة بيضيع ما بينى شيئين
حتما ولا
بد انة يكتسب احداهم من اى تجربة حياتية بيعيشها ...
القصة بتمشى كالتالى .. تجربة ... بتكتسب
منها حاجة من اتنين ملهمش تالت
يا اما خبرة ....
يا اما عقدة نفسية .......
هل دة فعلا حقيقى .. اة دة فعلا للأسف حقيقى
.. وكل الاختبارت والاحصائيات
النفسية على المستوى العالمى اثبتت ان الانسان فى حالة مرورة بتجربة او موقف
قوى لازم بيكتسب حاجة من اتنين ... يا خبرة ايجابية .. او للأسف عقدة نفسية .
كل اللى فات دة سهل جدا وبسيط .. انما المهم بقى ... ازاى اعرف انا اكتسبت اية فى
اى تجربة
مريت بيها !!
هنا بقى نبدأ الكلام الكبير ......
التجربة اللى الانسان بيمر بيها بتبقى عبارة
عن قصة .... القصة دى بتنتهى بشعور
قوى
بالسعادة .. او شعور قوى بالألم .... كل شعور من دول بينحت شخصية
الانسان اييييييوة
بينحت
طيب ازاى افرق ما بين الشىء اللى انا اكتسبتة
من اى تجربة دخلتها وابقى على يقين
هل انا
اكتسبت خبرة ولا عقدة نفسية ....
بص يا سيدى .. زى ما قلنا فوق ان نتيجة التجربة بتنحت شخصية الانسان ... ومع
ان الاتنين العقدة والخبرة بيقوموا بنحت شخصية الانسان الا ان هنا بقى الفرق ...
الخبرة بتنحت شخصية الانسان بدقة ... بالظبط زى
لما تخلى رسام محترف يرسم
شىء ... بتلاقية مراعى الدقة جدا فى كل التفاصيل .... او
لما تيجى ترسم خط
وتروح ترسمة بستخدام المسطرة
هيطلع دقيق جدا مافيهوش اى غلطة
.
هنا بقى الرسمة المتقنة جدا دى بتبقى الانسان
اللى اكتسب خبرة من تجربة معينة مهما
كانت النتيجة ...
وفى شوية ملامح هتخليك تحدد بسهولة انت
اكتسبت خبرة ولا عقدة من اى تجربة
مريت بيها ... تعالى نقول على شوية ملامح هنا للأنسان اللى اكتسب خبرة .
الانسان دة هتلاقية بقى دقيق جدا فى كل شىء ..
هتلاقية بقى بيضع اقصى معايير الامان فى كل
شىء بيعملة فى حياتة ... وبكدة هيقلل
نسبة الخطاء او الخسارة فى اى حاجة بيعملها
هتلاقى الانسان دة اكتسب نوع جديد من الزكاء
اسمة الزكاء العاطفى .. والزكاء
العاطفى دة ببساطة هوة قدرة الانسان على السيطرة
على عواطفة ومشاعرة ودة مش
معناة البرود ... ابدا ... فى فرق كبير بين البرود
والسيطرة .
هتلاقى الانسان دة بقى بيتحرى الصحة فى كل
حاجة بيقوم بيها مهما كانت بسيطة ...
ودة بيكون عن طريق انة بيدور على مرجع ثابت
يفصلة فى اى حاجة بيقوم بيها من
انشطة فى حياتة .. مهما كان النشاط دة بسيط من
وجهة نظرة ... ودة بيكون نتيجة
الخبرة اللى اكتسبها واللى اكتسب من خلالها ان
العقل البشرى بالفعل عندة القدرة على
تذييف الحقايق تبعا لميولك الشخصية .
هتلاقى الانسان دة بيتوقف تمام على العادات
او الافعال المفاجئة .. يعنى قبل ما يعمل
اى حاجة بيدرسها بدقة وبيدور على شىء
يثبتلة بالدليل القاطع هل دة شىء صح ولا
غلط .
هتجد الشخص دة بيسعى للكمال فى اغلب الانشطة
اللى بيعملها وبيتقى الشبهات او
النقاط اللى فى شىء من الخلاف عليها .. وبيقيس
نجاحة فى كل شىء بالنجاح الاعلى
من نجاحة وبيبقى هدفة متحرك دايما للأعلى .
كل اللى فات دة بقى عبارة عن بعض الملامح
الرئيسية اللى لو وجدتها فى شخصيتك
بعد اى تجربة بتعتبر كمؤشر على انك بالفعل
اكتسبت خبرة ... يا بختك .
ليست هناك تعليقات