أصنام ... ولكن شرفاء
أصنام
كلمة قديمة جدا بمجرد انك تسمعها بتلاقى
كلمات معينة هيا اللى جت فى بالك على طول بطريقة مباشرة زى .. كفار .. معابد ...
الجاهلية ... تماثيل
.. للأسف دة اللى بيحصل .. طبعا دلوقتى انت
مستغرب انا بقول للأسف لية ... مش دة طبيعى يعنى ... اة طبيعى ... بس المشكلة ان
عند المعانى دى وقف عندنا تعريف كلمة اصنام ...
انا مش فاهم حاجة ... طب تعالى نفهم بشويش
...
انت عشان تتفادى اى حاجة غلط او شىء سىء فى
حياتك لازم الاول تبقى عارف ان دة شىء غلط أو سىء اصلا ... صح ولا لاء ...
طيب لما تبقى عايش فى القرن ال 21 وكلمة
اصنام بتعنى ليك بس تماثيل وايام الكفار والجاهلية والخيمة وعنتر وعبلة والمعزة
اللى بتتشوى وشكلها يجوعك كل مرة دى وتتخيل نفسك وانت بتاكل
لو دى الاصنام اللى فى دماغك تبقى دى المشكلة
... وانت محتاج تكلم قراية باقى المقال .
عرف كلمة صنم ؟
الصنم هوة شىء بيتبعة الناس دون التفكر فية
او نقاشة .. مسلم بية يعنى زى القواعد الرياضية كدة
... بس دة حتى قواعد الرياضة قبل ما تبقى
مسلمات تم اثباتها وبعد كدة بقت مسلمات ...
الهدف من الرغى الكتير دة ان كل عصر بنعيشة
لة اصنامة الخاصة بية ... كل واحد فينا أحنا جواة اصنامة اللى هوة صنعها بعقلة
وبيعبدها ... وأصنام بيعبدها بسبب انة كبر لقى اللى حوالية بيعبدوها وخوفا من انة
يواجة اللى حوالية بأن الاصنام دى غير أهل للعبادة بقى عابد من ضمن العباد للأصنام
دى ..
طب عايزين نتكلم شوية عن شوية اصنام كتير
مننا بيعبدها وهوة مش دارى ...
أول صنم كبير قوى بينا ... هوة "الفكرة"
كل واحد بيبقى جواة مجموعة أفكار هوة واخدها
كثوابت وبيبدأ يتعالمل مع الاخرين ويقيم كل
حاجة حوالية ونظرتة للأشياء وتعاملاتة وكـــــــــــــــــل حياتة بنائا
على هذة الفكرة او مجموعة الافكار دى ... وبيوصل الموضوع انة ممكن يحارب اى فكرة
مناهضة للفكرة دى وقد يصل الامر انة يدافع عنها حتى ولو كان التمن حياتة او خسارتة
لكتير من الناس اللى حوالية لرفضهم للأفكار دى .
فى حين ان المنطق بيقول ان الصح انك تتقبل كل
الافكار اللى حواليك لحد ما تبقى شايف الصورة كاملة وتبقى تحدد موقف مكون من بعض
النقاط او الافكار القابلة للقناش والقياس ... أنما أخينا التانى دة هتلاقية متبنى
لموقف قايم على شوية افكار غير خاضعة للقياس وغير قابلة للنقاش وتحتمل التلاعب ..
ولما تيجى تفكر فيها هتلاقيها كدة زى ما بيقولوا التجار ... عاملة زى البضاعة المعيوبة
.
الصنم التانى ممكن يبقى كلام أهلك .... ممكن
يبقى عادات وتقاليد ... ممكن يبقى العرف المنتشر بين الناس ... ممكن يبقى تعريف
شىء معين ... وأنا تحديدا قابلت الموقف دة كتير لانى اشتغلت فترة فى فى المعاملات
النقدية والعملات .
تعالى كدة قول لواحد انا هتاجر فى البورصة
... أول كلمة هتسمعها منة ..
<< البورصة حراااااااااااااااااااااام
>> ...
دى
كلمة طلعت من بقة خلال جزء من الثانية فى حين انك لو تناقشت معاة لمدة سنة بعديها
مش هتلاقى ولا سبب علمى او اى حاجة قامت عليها الفكرة دى غير انة سمع الكلام دة
بردة من حد معين عمل الصنم دة قبلة ... هوة دة مش صنم بردة .
أوعى تفتكر ان اللى قدامك دة معندوش اصنام
لانة معاة درجة علمية كبيرة او خبرات فى مش عارف ايىة ... دا النوع دة من الناس
بالتحديد بتبقى اصنامة ضخمة جدا وقوية جدا لان فكرتة عن نفسة وتعظيم الناس الكتير
لة بيبقى عامللة زى ما بنقول كدة تضخم فى الشخصية ...
وفتكر كدة اللى عمل القنبلة الذرية او اى نوع
من الاسلحة الفتاكة اللى بتسمع عنها ... هل دة حد جاهل او مش متعلم ... دة حد على
درجة مهولة من العلم والمعرفة .. ولكن الصنم الخاص بية اللى هوة "فكرتة ان مصلحتة الشخصية اهم من الاخريين
حتى ولو كانت مصلحتة دى على حساب حياتهم" ... بما ان الاسلحة دى مش اسلحة ردع
او دفاع .. دى كلها اسلحة هجومية استعمارية ... مين بيدافع عن ارضة بقنبلة ذرية !!
من هنا انا عايز اوصلك لنقطة معينة ... وهى
انك عمرك ما هتوصل للصورة الكاملة عن أى شىء ... المطلوب منك بس انك تحاول لما تجد
ان الموضوع محتاج انك تكون فكرة او رأى عنة ...
وحتى
لما تكون رأى ليك او وجهة نظر .. أوعى تسلم بيها تسليم كلى اعمى .. رأيك لازم يكون
قايم على براهين وأدلة قابلة للنقاش والقياس ... وبعد ما تعمل
كــــــــــــــــــــــل دة ... تأكد بردة ان رأيك محتمل يبقى خاطىء ....
يعنى
انت بتقولى ان بعد كل اللى هعملة دة بردة ممكن يبقى رأى غلط ... اة ممكن يبقى غلط
...
عشان كدة بقولك أوعى تبقى صنم يعنى اوعى تبقى
متجمد على هيئة واحدة او جانب واحد او زاوية واحدة .... لو شايف ان الموضوع صعب
أفتكر قدسية الامر دة
فاكر أيام الجاهلية ... وسيدنا محمد صلى الله
علية وسلم ... لما ربنا ارسلة للعالم ... هل كان السبب انة يحارب الاصنام بس
"التماثيل" ؟؟
طب هوة الاصنام هيا اللى قالت ان الاسود يبقى
عبد وان الابيض يبقى السيد ؟؟
طب هوة الاصنام هيا اللى قالت ان الاقوى هوة
اللى لة السيطرة على الاضعف ويحق لة نهبة والاستيلاء على حقوقة ؟؟
طب هوة الاصنام اللى قالت ان البنات فى العصر
دة شىء سىء ويجب دفنها ؟؟
كل دى كانت أصنام ملهاش علاقة بالتماثيل دة
حتى اغلبية التماثيل كانت سودة !!
حتى الصنم نفسة برىء من عبادة الناس لية ..
ولو رجعنا لأول صنم فى التاريخ هتجد ان اللى قرر يعبدة هوة الانسان .. أنما الصنم نفسة مخترش حاجة ..!
والان نعرض على حضراتكم بعد الاصنام
المتوافرة فى الاسواق ..
العادات والتقاليد
العرف المتعارف علية
كلام الاهل وكلام الناس
الشيخ الفلانى
الروتين
المذيع الفلانى
الكتاب الفلانى
برنامج كذا
والصنم الاكبر زعيم الاصنام ....
"أفكارك"
الموضوع بالظبط عامل زى قنوات التليفزيون وانت اللى ماسك الروموت .. وانت
اللى بتحدد اية اللى تتفرج علية ... وصدقنى مافيش حاجة ينفع تتفرج عليها على طول
.. لازم تقلب شوية الاول عشان تعرف هتتفرج على اية وبعد كدة تررررررررجع تقلب تانى
... ألخ ألخ ألخ
ليست هناك تعليقات