أوعى تحكم على فراشة ....

أوعى تحكم على فراشة ....

"The most important thing in life is not to capitalise on your gains. Any fool can do that. The really important thing is to profit from your losses. That requires intelligence; and it makes the difference between a man of sense and a fool."

مين فينا لما بيدور فى الحاجات القديمة بتاعتة ويلاقى صورة قديمة لية وشكلة مكنش حلو فيها او لبسة مكنش ظريف بيحاول يوريها  للناس ..!!

 ... على العكس تماما ... دة بيحاول يخفيها على قد ما يقدر ... وبتحاول كمان فعلا تدور على افضل صورة ليك عشان توريهالهم ... صح ... كلنا عملنا كدة ..

تخيل كدة الفراشة لو ليها عقل وبتتصور زيينا وبتحتفظ بالصور من صغرها .. وحد حب يتفرج على الصور بتاعتها ... هل ممكن الفراشة تجيلة الصور بتاعتها لما كانت دودة وتفرجة عليهم .... لو انت الفراشة دى بألوانك الجميلة الرائعة دلوقتى هتفرجهم على الصور القديمة دى ..

كل يوم فى موقف فى حياتنا ... ممكن موقف منهم يفضل زكرى طول حياتك ويستمر معاك لسنين طويلة جدا ... ساعات بيبقى سايبلك زكرى سيئة بسبب الحدث نفسة ... او تصرفك انت نفسة واللى عملتة لما قابلت الموقف دة ... بنحاول ننسى الحاجات دى على قد ما نقدر .. صح ... طب عمرك سألت نفسك لية ...!!

زمان ,,,  قابلت ناس كتير ... منهم اللى انجذبت لية بشكل كبير جدا .. ومنهم اللى اخدتهم كمثل اعلى ليا فى حياتى .. ومنهم كمان اللى كنت بحاول اكتسب منه كل حاجة هوة بيعرف يعملها ... ودة بسبب انى كنت بسعى او بحاول انى اوصل لدرجة كل واحد منهم فى حياتة ... او اكرر السيناريو الناجح اللى بشوفة عليا فى حياتة .. واحاول اوصل لنفس السيناريو ... او على الاقل أحتفظ بالناس دى جوة حياتى كقيمة ..

ولكن بعد ما بدخل فى حيات الناس دى وأعرف حاجات مروا بيها وتصرفات قاموا بيها فى مراحل سابقة من عمرهم .... بدأت صورهم تتغبر قدامى ...بدأت فى أصدار أحكام على الناس دى او الشخصيات دى بسبب  ماضيهم ... بسبب تصرفات او افعال قاموا بيها من زماااان قوى ...

حكمى كان قاسى جدا .. بسبب افعالهم اللى اللى انا أعتبرتها لا تغتفر .... او بالنسبة ليا كشخص لسة صغير .. كنت متخيل ان الانسان الطبيعى بيعيش ويموت صفحة بيضة بدون أخطاء

طيب هوة انا كنت صح ولا غلط ؟؟ ... تعالى نتكلم بقى ...

السبب فى اعجابى بالناس دى كان اية ... !! ...  كان شخصيتهم الحالية اللى واقفة قدامى .... طيب مين شكل شخصيتهم دى ... !!

طيب هيا شخصية الانسان اصلا دى بتتكون ازاى ... !!

شخصية اى انسان فينا هيا تصرفاتة ... سواء قداما الناس او فى الخفاء ... تصرفات الانسان كلها بترجع لمبادئة اللى اخترها وكونها .... مبادىء الانسان اللى كونها خلال حياتة واللى بتحدد كل حياتة بعد كدة بتتكون من معتقداتة  ...معتقداتة دى بيكتسبها من القييم اللى فى حياتة ... وقييم الاشياء فى حيات الانسان بتتكون او بتتقدر فى حيات كل واحد فينا بنائا على تجاربة مع القيم دى والدليل على كدة ان قيمة اى حاجة فى حياة اى حد فينا بتبقى نسبية من شخص لأخر ... ودة راجع لان كل واحد فينا بيمر بشىء فى حياتة بيدركة وبيشوفة بصورة غير التانى ... حتى لو التانى مر بنفس الموقف ... بردة رؤيتة للموقف نفسة بتبقى مختلفة ... وحتى لو رؤيتهم واحدة بتبقى بنسب مختلفة من واحد للتانى ...

وبكدة نبقى فى أخر الخريطة دى وصلنا لمعادة ...

شخصية الانسان = مبادءة = معتقداتة = قيمة = تجاربة

يعنى الخلاصة ان شخصية الانسان = تجاربة ....

زمان فى حد علمنى وقالى "اللى بيقدر انسان او بيحبة ... بيقدرة بكل اشكالة ... سواء ماضية او حاضرة .. او مستقبلة... لان ماضية دة هوة السبب فى الشخصية اللى هوة عليها حاليا"

 ... ساعتها انا مفهمتش الكلام دة  ؟؟ ... واى حد فى نفس الموقف بردة مش هيبقبل الكلام دة لانة بكل بساطة هتشوفة مبرر من الشخص اللى قدامك على افعالة فى الماضى او المواقف اللى مر بيها قبل كدة على سبيل المثال ...

طيب هوة التبرير اللى اتقال فوق دة صح ولا غلط ...؟؟

اى قانون رياضى فى علم الحساب .... عشان يعتبر انة قانون رياضى او معادلة تتقاس عليها المسائل الحسابية بعد كدة لازم يتم أثباتة فى البداية .. ولو فعلا تم أثباتة ... بيبقى قانون حسابى معترف بية .

المعادلة بتقول ان اللى بيحب حد او بيقدر وجود حد فى حياتة سواء مثل أعلى او أى شىء من هذا القبيل لازم يقدرة على كافة اشكالة سواء ماضى او حاضر او مستقبل ...

الجزئية الخاصة بالحاضر كدة كدة تم اثباتها ... لانك بكل بساطة اعتبرت الشخص اللى قدامك دة انسان كويس او مثال يحتذى بية ... ودة فى الحاضر ... وبما ان الحاضر هوة اللى بيتبنى علية المستقبل ... يبقى كدة كمان الجزئية الخاصة بالمستقبل تم اثباتها ...

فاضل كدة جزئية واحدة فى المعادلة اللى فوق لم يتم أثباتها حتى الان .. اللى هيا .. الماضى

لو طلعت فى اول الموضوع خااااااااااالص هتلاقى سطر او اثبات وصلنالة بيقول ان شخصية الانسان = تجاربة

طيب هيا التجارب دى ... مر بيها أمتى ؟؟ .... فى الحاضر ولا فى المستقبل ؟

مر بيها فى الماضى ...

تجارب = ماضى ... يعنى السبب لقبولك للشخصية دى فى الحاضر هوة تجاربة اللى مر بيها فى الماضى واللى كانت بدورها السبب فى تكوين الشخصية اللى واقفة قدامك دلوقتى ...

وان السبب فى انجزابك للشخصية دى الحالية كان تجاربة السابقة .. وان تجاربة اللى انت ممكن تبقى شايفها سيئة هيا السبب فى تكوين الشخص اللى واقف قدامك اللى انتى بتحاول تبقى زية دلوقتى او عايز تحتفظ بية داخل حياتك كقيمة غالية بالنسبة ليك .

وبكدة نبقى أثبتنا المعادلة الصعبة ...

"اللى بيقدر انسان او بيحبة ... بيقدرة بكل اشكالة ... سواء ماضية او...  حاضرة .. او مستقبلة... لان ماضية دة هوة السبب فى الشخصية اللى هوة عليها حاليا"

وعلى فكرة الانسان اللى بيقدر يتحول من تجاربة لأنسان كل اللى حوالية بيحاولوا يسعوا لية بيبقى انسان ذو قيمة عالية جدا وذكاء كبير جدا ...

"The most important thing in life is not to capitalise on your gains. Any fool can do that. The really important thing is to profit from your losses. That requires intelligence; and it makes the difference between a man of sense and a fool."

True story ...