ماتش مهم
محمد
.... هوة الزرار اللى بيجيب اجوان فين !!
للحظة الأولى بعد السؤال مباشرة قعدت أتريق
عليها شوية ... بعد كدة لقيت نفسى
مش عارف اجاوب .!!
حسيت ان السؤال دة اجابتة مش فى اللعبة
...
القصة عاملة زى المعادلة اللى مش سحرية ...
بس هيا معادلة .. أكيد معادلة ...
لأننا وأحنا صغيريين قاللولنا ان المعادلة دى
بتبقى حاجات مع بعض وبيكون الناتج
حاجة واحدة .... يا بتحصل يا مش بتحصل .
طيب ما تيجوا ندور على إجابة ؟؟
انا عشان أسجل جول ... اية الشروط !!
لقيت أنهم 3 شروط أساسية عشان انجح انى أسجل
جول
الشرط الاولى انا هسجل الجول لية
الشرط التانى انا هسجل الجول ازاى
الشرط التالت انا هسجل الجول امتى
لو جيت بصيت للحظة على ال 3 شروط دول هتلاقى أن
فعلا عشان تحقق أى
حاجة فى حياتاك بصفة عامة فعلا أنت لازم يبقى معاك ال 3 شروط
دول
مينفعش تحقق حاجة وأنت مش عارف انت هتحققها
لية اصلا ... بالتالى مش هتقدر
تحققها وأنت مش عارف هيا بتتعمل إزاى ... بالتالى
مش هتقدر تحققها لو مش
عارف الوقت المناسب
طيب اشمعنى الشروط التلاتة دى بالذات ؟
لأن دى الحاجات الأساسية وتعالى نثبت الكلام
دة من الواقع اللى بنعيشة :-
الشرط الاولى : "لية !!"
انت
عشان تقوم بأى فعل فى حياتك لازم بيكون فى هدف او دافع للقيام بالفعل دة
سواء صح
او غلط مش دة المهم ... المهم دلوقتى ان الشرط الاول ان الانسان بيقوم
بأى فعل
بيكون الهدف هوة النتيجة اللى هتحصل من وراء الفعل دة ... منطقى جدا .
الشرط التانى : "إززاى!!"
ودة
لو دققت شوية هتلاقى الشرط دة صعب جدا .. لان كلمة "ازاى" هتحدد من
خلال
حاجتين او تقدر تقول عاملين مهمين جدا و لازم اكون على علم تام بيهم ..
العاملين دول
هما "المؤثرات الداخلية .. والمؤثرات الخارجية" .. بمعنى ادق او
اسهل هما
الحاجات اللى انا ممكن اتحكم فيها والحاجات اللى مش بقدر اتحكم فيها
يعنى من الاخر
لازم ابقى عارف انا قادر اعمل كدة ولا لأ ودة هيتطلب انى اكون
عارف نفسى كويس, والتانى انى اكون عارف العوامل الخارجية اللى
هتقابلنى فى
السكة وهتعامل معاها ازاى .
الشرط التالت : "إمتى"
لازم أسأل نفسى سؤال مهم قوى ... هل التوقيت
دة صح ولا لأ .. وهل لو صح
هل هوة دة التوقيت المناسب فعلا ؟
انت ممكن تشوف ان عنصر الوقت مش مهم ... انا
معاك ... طيب تخيل كدة واحد
دخل لجنة الامتحان فى بداية الوقت ..... طيب واحد دخل
اللجنة فى نص الوقت
... طيب واحد راح اللجنة بعد الامتحان ما خلص ؟ ... فهمت
الفرق .
سيبك من دا كلة بقى وخلينا فى الماتش اللى
بلعبة انا واختى الصغيرة ... اختى
متعرفش
اى حاجة من اللى قلتها دلوقتى لكن المفاجئة انها هيا اللى كسبتنى ... دة
حقيقى ...
هيا فعلا مكنتش تعرف الكلام دة
ولكن كسبتنى !!
طيب هل هيا ممكن تكسبنى تانى !! .... صعب ...
عارف لية ... لأنها معرفتش
اصلا هيا كسبتنى ازاى
وهيا دى النقطة المهمة ... انت ممكن تكسب مرة
لكن لو فعلا مكنش عندك خطة
صدقنى مش هتكرر لانك انت مش هتعرف تكررها لانك انت مش
عارف هيا حصلت
ازاى ..
انما لو خسرت مرة وكان عندك خطة ... هتقدر
متخليهاش تتكرر وهتقدر تكسب
... لانك عارف انت خسرت ازاى.
If you don’t have a PLAN you will be apart
of others
.PLANS
Mohamed Salah
ليست هناك تعليقات