حب أم إمتلاك ...!!
من الحاجات اللى
ممكن تشوفها ما بين أى اتنين مرتبطين "رسمى طبعاً" ان كل واحد بيحاول السيطرة
على الطرف الاخر , لانة بيكون فاكر او متخيل
انة كل ما استحوذ على جزء أكبر من الطرف الاخر أو حرياتة يبقى استحوذ على جزء
أكبر من حب الطرف الاخر, ... ودة خاطىء تماما .
- الحب هوة انك بتكون فى حالة قبول كامل للطرف الاخر بكل ما فية ...
- انما فى حالة تملك شىء , انت من حققك كمالك انك تغير اى شىء فية ....
خليك فاكر السطرين
دول كويس هنرجعلهم تانى
طيب غلط لية
!!
اى علاقة بتقوم
ما بين اتنين من اى نوع بتكون معادلتها كالتالى ببساطة شديدة
(علاقة = ثقة
+ أحترام )
هى دى ببساطة جدا
مكونات اى علاقة ناجحة ما بين اى اتنين ...
حب الامتلاك للأسف
بيبان فى المعادلة دى فى جزئية مهمة جدا اللى هيا "الثقة" , وبتضعف الثقة
دى من خلال الفيروس اللى اسمة "الغيرة الغير مبررة" ..
القصة بتبدأ ببعض
الاوامر أو النواهى من أحد الطرفين للطرف الاخر .. وبتكون غير مبررة او لأسباب وهمية
.. وفى حالة استفسار الطرف الاخر بيكون الرد ببساطة انها "غيرة" ... عارف
الغيرة دى اية ... دى مش حب زيادة ... دى للأسف قلة ثقة .
تعالى نعرف لية
قلة ثقة ... !!
فى احتمالين
.. الاحتمال الاول
: وهوة انك أخطأت فى اختيار شريكك واخترت انسان حدودة مع الناس وتعاملاتة معاهم غيرك
وبكدة يبقى أخترت انسان غير متوافق معاك تمام ودة سوء تقييم لأختيار شريك حياتك
.. الاحتمال التانى
: انك فعلا اخترت شريك مشابة ليك , لكن فى تعاملاتة مع الاخرين بتجد ان ممكن يحصل معاة
اى تجاوز , ودة طبيعى لانك مش هتسيطر على الناس كلها اللى حوالية او اللى بتختلط
بية , ولأن ثقتك فية غير كاملة فبتكون خايف
انة يقبل اى نوع من هذة التجاوزات من الاخرين معاة ...
ولو انت كنت بتثق
فية ثقة كاملة مكنتش هتشك او تغير لانك عارف انة لن يقبل اى نوع من التجاوزات ... صح
!!
عرفت بقى لية قلنا
دى قلة ثقة من البداية .. !!
أدى كل انسان فى
ارتباط بينك وبينة المساحة من الحرية الشخصية .. خلية فعلا يظهر على حقيقتة قدام الناس
ويبقى على طبييعتة .. لو انت بقى متوافق مع طبيعتة دى يبقى تمام .. مش متوافق يبقى
خلاص ريح الناس من ألم الفراق وريح نفسك انت كمان من تجربة مؤلمة مستنياك .
أية الحب فى انك
تخلى أنسان يعمل حاجة مش بيحبها او يواجة الناس بشخصية مش شخصيتة وصفات مش بتاعتة أطلاقاً
... عارف انت كدة تحولت من حب لأية ؟؟ ....
انت أتحولت من
علاقة حب الى علاقة أمتلاك .. مش مصدق !!
... أطلع فوق تانى أقرا السطرين الكبار اللى باللون الازرق .
نصيحة أو الخلاصة
...
أى أتنين مرتبطين
بيكونوا قابلين بعض فى الاجمالى لكن كل واحد فيهم نفسة يغير شوية حاجات فى شريكة الاخر
ودى طبيعى لأننا بشر ... طيب نعمل اية .!!
قبل ما ترتبط بالأنسان
دة أسأل نفسك سؤال ...
س/ هل أنا لما
ارتبط بالانسان دة واحاول اغير فية الحاجات اللى مش عجبانى وفشلت انى اغيرها ... هل
هقدر أكمل وأتحمل الحاجات دى معاة ؟
لو الاجابة
"أة" خش يا معلم برجلك اليمين
.. وألف مبروك وربنا يسعدكوا
أنما لو الاجابة
"لأ أو مش عارف" .. يبقى خلاص كدة جرس المروح ضرب
وأنا أقولك لية
مروح ...
- لان الاحتمال الاكبر انك هتفشل انك تغير فى شريكك أى حاجة
- ولو أتغير بسببك انت هيبقى تغير مؤقت ... يعنى غير موضوعى ...
- وصدقنى لو فعلا أتغير زى ما انت عايز هيبقى حد تانى انت مش عارفة وكمان غريب عنك وساعتها هتعرف ان كلامى كان صح ..
صدقنى دة مش كلام
دة واقع وتجارب حية مننا اللى مر بيها ومننا بردة اللى لسة مستنى دورة دى حاجات بتتعلمها بس بعد ما بيكون خلاص .. الجرس
ضرب وانت مخدتش بالك ..
الحب مش أمتلاك .. اوعى تحولة لألم ليك ولغيرك ... محدش بيحب حد
بيوجعة .. صح !!.
لو حبيت انسان
وربنا مأردش تكونوا لبعض .. أوعى تخلية يفتكرك بجرح أنت اتسببت فية لة او يفتكر محاولاتك
معاة انك تخلية مسخ متقمص لشخصية مش شخصيتة .. خلية لما تيجى على بالة يدعيلك ويقول
"ربنا يسعدة زى ما كان بيحاول يسعدنى" .. دة أسمة رقى .. والحب أصل الرقى
.. أوعى تنزل بحبك خليك راقى دائماً حتى فى حبك ... وساعتها بس هتعرف انت بقيت راجل ولا لسة .. قادر
تحب انسان وتسعدة ولا عايز حاجة تشتريها .
"محمد صلاح"
ليست هناك تعليقات