عادة ... سيئة
الموضوع بيبدأ أنك كأى انسان طبيعى فى عادات كتير سيئة
فى حياتك انت محتاج انك تبعد عنها او انك تبطلها زى ما بيقولوا بالعربى ... وفشلت كالعادة
... انهاردة بقى هنعرف انا وانت احنا فشلنا لية .
زى ما اتفقنا اننا لازم نحترم عقولنا .. يبقى هنبدأ
التفكير بالطريقة المنطقية اللى بيحتكم ليها العقل ...
"العادة"... العادة هى شىء انت معتاد على القيام بة او
فعل بتقوم بتكرارة بصورة متتالية بغض النظر عن الظروف .
طيب بما أن العادة هى الفعل اللى بيتكر دة معناة اننا
بتوقفنا عن الفعل يبقى كدة تخلينا عن العادة وبطلناها !!
دة اول الطريق الغلط .. ومن هنا
هنبدا قصتنا ونتكلم ....
كلنا فاكرين اننا لما نتوقف عن الفعل يبقى كدة تخلصنا من
العادة ... ودة كليا خاطــــــــــــــــــــــىء .. لأن وراء أى فعل بنقوم بية فى
حياتنا دافع ... "الدافع" هوة الحاجة اللى بتخليك تقوم بالفعل نفسة من البداية .
الموضوع بالظبط بيفكرنى بحاجة درستها فى التسويق .. وهى
ان لما المدير بيلاقى ان نسبة المبيعات اننخفضت بيعمل عروض واعلانات اكتر .... مع
ان مش دة السبب اصلا ... هوة كدة بيعالج النتيجة مش السبب .. وبعد كدة يلاقى
المبيعات بتنخفض تانى ... ودة كـــــــــــــــلة لانة بردة مستمر فى معالجة
النتيجة .... طيب لية موقفش لحظة وبدأ يفكر اية السبب اصلاااااا ا فى ان المبيعات
تنخفض .. منا لو عرفت السبب هعالجة وارجع ابيع تانى ..
هى دى بقى الخطوة اللى
بندور عليها وكلنا واقعيين فيها اننا بنبص على الفعل ... وبنحاول نعالج النتيجة وبنسيب السبب .. بنسيب
الأساس ... بنسيب الدافع
طيب العلاج اية !!
.... دور على الدافع اللى خلاك تقوم بالفعل متبصش على
الفعل نفسة ...
وحذاااااااااااااااااااااااااارى حذااااااااااااارى تضغط
على نفسك بأكثر من طاقتها وتحاول تبطل الفعل قبل ما تعالجة وتجد بديل لأن الدافع اللى عندك هيخليك تعمل حاجة اكبر
وأسوء ...
زى بالظبط مسورة الصرف اللى الناس مضايقة من انها بتصرف
فى النيل ...
راحوا جايين على الطرف اللى بيرمى فى النيل وسدوة .... النتيجة
الوحيدة الحتمية
فى النهاية هى ان المسورة هتنفجر ... صح ولا لأ... لان المصدر
اللى ورا
الماسورة لسة موجود .. الى هوة الدافع ... ودة بيحصل فى عادات كتير قوى
كلنا
بنحاول نبعد عنها ونتيجة علاجها غلط بتكون النتيجة كارثة .
طيب لحد هنا أحنا عرفنا اية الغلط اللى كنا بنقع فية
واللى كان سبب فى اننا بنفشل فى التخلص من أى عادة سيئة ... طيب نتخلص من العادة
نفسها أزاى بقى ...
صلى على النبى ... وكل من لة نبى يصلى علية .
اى فعل الانسان بيقوم بية هوة نتيجة دافع ... وأغلب
أفعالنا بيكون فيها الدافع صحيح لكن الفعل هوة اللى خاطىء وقيس على كدة حاجات كتير
قوى بنعملها فى حياتنا .. اة والله
عقلنا مش زى ما انت متخيل انك ممكن تشيل شىء مش عاجبك من
داخلة وتسيب
مكانة فاضى .. عقلك هيجيب شىء أسوء من الجزء اللى انت شيلتة ويحطة
مكان
الجزء القديم ... أة والله
طيب والحل ... الحل اننا نغير الفعل ...
أيــــــــــــــوة نغير الفعل ... بس مش
هنمسحة ... أحنا هنستبدلة أيـــــــــــوة "هنستبدلة" ...
هنبدلة بحاجة تملى مكانة
وفى نفس الوقت متكونش غلط ... مش فاهم ... أفهمك ....
فاكر المثال بتاع
ماسورة الصرف ... الماسورة مش غلط ... والصرف اللى فيها طبيعى
جدا ...
الغلط الوحيد انها بتلوث وترمى فى النيل .... طب محنا نخليها تصرف فى حتة
تانية وبكدة يبقى كل حاجة زى ماهيا ... احنا بس أستبدلنا الفعل ....
الخلاصة اللى عايز اوصلهالك انك متبصش على الفعل ..
متبصش على النتيجة ... دور على السبب ... متبقاش عامل زى اللى جيبة مخروم وكل ما
يحط فية الفلوس
تقع وبيكون رد فعلة ان كل ما الفلوس تقع يروح يجيب فلوس غيرها
يحطها فى نفس
الجيب ..
مال قارون ساعتها مش هيغنيك لانة هيقع !! وحتة الخرم دة
هيكون
سبب فقرك طول العمر .
ليست هناك تعليقات