راجل ولا ذكر !!

راجل ولا ذكر ...

هما الاتنين مش معنى واحد !!

لا الاتنين مش معنى واحد ممكن تبقى ذكر ومتبقاش راجل ... وبردة ممكن تبقى 

راجل ومتبقاش ذكر ...

 أة والله مش مصدق ..

 أحتراما لعقلك كالعادة انا هثبتلك بمناقشة موضوعية 

كلمة ذكر هى كلمة تشير الى نوع الجنس سواء ذكر او أنثى .. ودة طبعا على بيقال على حسب طبيعة خلق الانسان 

انما كلمة رجل دى صفة اصلا مش كلمة او علم .. مش مصدق بردة  !!

كلمة رجل صفة شمولية يعنى تجمع العديد من الصفات اغلبها وأشهرها على الاطلاق بينحصر فى كل من التحمل والرشد والعقل والصبر 

صفة الرجولة دى صفة بيتميز بيها صاحبها ويشرف بيها كمان زى لما تقول لواحد انت "كريم" او انت "عاقل" او انت "أمين"

صفة تطلق على البشرى لما يكرم او يفضل على مجموعة .. زى تشريف لة 

تعالى نروح بقى لمنطقة اليقين او منطقة الاثباتات .. كلام الله سبحانة وتعالى 

حتى فى القرأن الكريم ربنا سبحانة وتعالى لما كان بيجى يكرم او يعظم فئة معينة كان بيطلق عليهم هذا اللفظ "رجل او رجال" مكنش بيقول عليهم ذكور 

{لَّمَسْجِدٌ أُسِّسَ عَلَى التَّقْوَى مِنْ أَوَّلِ يَوْمٍ أَحَقُّ أَن تَقُومَ فِيهِ فِيهِ رِجَالٌ يُحِبُّونَ أَن يَتَطَهَّرُواْ ..}

{وَقَالَ رَجُلٌ مُؤْمِنٌ مِنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَنْ يَقُولَ رَبِّيَ اللَّهُ}

{وَنَادَى أَصْحَابُ الأَعْرَافِ رِجَالاً يَعْرِفُونَهُمْ بِسِيمَاهُمْ قَالُواْ مَا أَغْنَى عَنكُمْ جَمْعُكُمْ وَمَا كُنتُمْ تَسْتَكْبِرُونَ}

وأحياناً كمان بيشار بيها الى الذكر البالغ .. وهنا بتبقى كلمة وليس صفة 

{إِنْ هُوَ إِلَّا رَجُلٌ افْتَرَى عَلَى اللَّهِ كَذِبًا وَمَا نَحْنُ لَهُ بِمُؤْمِنِينَ}

لكن لحظة التكريم من الله عز وجل بتيجى صفة زى الاية الكريمة  

" مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ "

المفيد بقى انك ملكش يد فى انك تخلق ذكر أو أنثى .. أنما لك كل الحق وكاااااااااااامل الاختيار فى أنك تبقى رجل او تبقى ذكر بس 

بس عشان تبقى راجل لازم تحمل الصفات الخاصة بالرجال ... الرجولة مش لقب بيطلق او شىء بيوررث  . الرجولة بتكتسب وتنتزع من الاخرين ... فى ايدك تجبر الاخرين على انهم ينظروا ليك على انك رجل او ذكر ...

بس صدقنى الزمن دة ملـــــــــــــىء بالذكور من الانسان والحيوان .. لكن تندر فية ظاهرة الرجولة وعشان تبقى راجل لازم تبقى على يقيين ان أولى مهامك كرجل .. تكريم المخلوق المشتق منك ... الأنثى .