الافعال التكاملية ..
الافعال التكاملية ..
كتير مننا ميعرفش معنى الكلمة دى .. تعالى نعرفها مع بعض ...
الافعال التكاملية هى الافعال اللى على الانسان انة يقوم بيها لأتمام عملية
التوحيد ما
بين القول والفعل ومن دون هذة الافعال بيعتبر الانسان منافق او كذاب او غير
متزن .
على سبيل المثال "انا احب
الله" ولكن تجد ان الانسان دة لا
يصلى يبقى كدة
المعادلة ناقصة الافعال التكاملية
" الصلاة " .
"انا انسان كريم" من غير ما يصاحبها الفعل "الكرم" مع
الناس الغريب والقريب
يبقى المعادلة غير صحيحة .
جميل قوى ...
طيب تعرف ان فى كتير
قوى معادلات فى حياتنا ناقصة ولم تنتهى
بناتج بسبب الافعال التكاملية دى ..
كام مرة خططت لشىء شفويا ولم تقوم بأى خطوة ...
كام مرة قررت قرار دون ان
كام مرة وعدت انسان فى لحظة سعادة ولما فوقت من اللحظة دى ايقنت انك غير
أهل لهذا الوعد
كام مرة اصدرت حكم على شىء او موقف ا انسان فى لحظة غضب ولما هديت
ايقنت انك أتأثرت بالغضب ودة اللى خلاك مش قد الحكم اللى اصدرتة لانك لا
تتحملة او تتحمل ذنب تنفيذ الحكم دة ..
كتير مننا هيقول اية المشكلة كلنا بنعمل حاجات زى الامثلة اللى فوق دى كتير
جدا
فى حياتنا وعادى يعنى .. .!!
لا مش عادى .. كل دى معادلات كانت لازم تنتهى بنتائج سواء سلبية او أيجابية
..
ونتيجة ان المعادلات اللى مرينا بيها دى كانت ناقصة الافعال التكاملية بقت
حاجات
كتير فى حياتنا تائهة فى فضاء مالوش أخر وحاجات تانية كتييييييير قوى معلقة
زى
ما بنقول بالعربى كدة
"مش عارفين لها نهاية"
او
"مش راسى على بر "
او
" مشتت لحد دلوقتى"
ومن كتر ما المعادلات الناقصة دى بتكتر حياتنا بتبقى مفرغة .. مهما شغلت
نفسك
بشغل او بأى حاجة بردة فى حجر ناقص فى حاجة دايما مححسساك بشىء ناقص
... فى حاجة ناقصة ... كلنا بيبقى عارف على فكرة الاحساس دة مصدرة اية...
بس فى حاجة منعانا اننا نقول علية .. خلى عندك الشجاعة وكمل المعادلة فى كل
حاجة ناقصة فى حياتك ... مهما كانت النتيجة
امتحن ... انك تسقط او تنجح مش دى القصة .. المهم انك تمتحن .
متسيبش حاجة متعلقة فى حياتك ... اقتل الاحساس بأن فى حاجة مش متظبطة
محسساك على طول بعدم الاتزان ... الحاجة اللى فى وقت فراغك هيا اللى بتشغل
بالك .. الحاجة اللى مواقف كتير قوى بتفكرك بيها طول يومك .. الحاجة اللى
اول
ما بتخطر على بالك بتحس ان المخ حصلة تجمد وتلاقى ملامح وشك اتغيرت حتى
لو كنت لوحدك ..
امتحن ...
ليست هناك تعليقات