أدم يظلم حواء

 أدم يظلم حواء ....

من الشائع جدا كما يقال فى القصص والامثال ان حواء كانت السبب فى خروج ادم من الجنة ...

 للأسف الاعتقاد دة خاطىء ..حقيقة !

اللى مد ايدة للشجرة وأخد التفاحة من الشجرة المحرمة كان سيدنا أدم ... ولكن تم أخراجهم من الجنة لان الاتنين كلوا منها عشان كدة كان عقابهم الاتنين مع بعض .

لما تيجى تنظر للقصة دى هتجد ان اللى قام بالفعل أو بالخطيئة كان أدم واللى تم معاقبتة وهو اقل ذنبا كان حواء ... عارف تتعلم اية من القصة دى ؟

ان اى تطور سىء فى حياة المرأة كان سببة الرجل .. لأن المتحكم الاول فى حياة المرأة هوة الراجل ودة طبعا تبعا لطبيعة خلق المرأة على انها تابع ودة شىء لا يعيبها ... فالادوار هنا لنجاح الحياة بتلزم المرأة انها تكون تابع ودة لا يقلل من شأنها أبداً

وأكبر كدبة أخرجها الرجل للحياة للأستمتاع بالمرأة دون معاناة كانت كدبة  "المساواة"  وبالفعل قصة المساواة هيا هيا قصة التفاحة المحرمة ...

 قام بيها أدم واتعاقب بيها حواء ..
 صاحب فكرة المساواة كان الراجل عشان يقدر يجد المرأة بنسبة أعلى فى حياتة اليومية 

.. ونجح فى دة وكان المستفيد الوحيد الرجل والمتضرر الوحيد كانت حواء ... تحملت حواء ما يفوق طاقتها ودخلت لمجالات لم يخلقها الله لها ...

وبكدة بقى الانسان غير المناسب فى المكان المناسب ... وفضلت المرأة أدوار لم  تخلق لها على أدوارها الاساسية فى الحياة ... 

وبقى الادوار كلها غلط وهديكوا مثال بسيط .... زى لاعب الكورة وحامل الاثقال ... بالرغم من قوة لاعب الكورة بردة ميقدرش يشيل الاوزان اللى بيشيلها حامل الاثقال ... وعلى الرغم من قوة حامل الاثقال الا انة بردة ميقدرش يشوط الكورة بقوة زى لاعب الكورة .

القصة ما بين الراجل والانثى هيا نفس المثال دة ...هل الرجل مهما اتعلم التعامل مع الاطفال ممكمن يملك القدرة على التعامل مع الاطفال زى الانثى !!... 

هل فى مخلوق على الارض يقدر على أحتواء الراجل مثل الانثى ؟؟ دى موازين للكون مش هتتغير وطول ما احنا مش مقتنعين بالموازين دى 

عمرنا ما هنعيش فى توازن

قبل قصة المساواة كان الرجال قوامون على النساء ...ودى الجملة اللى تسبب تفسيرها فى كتيـــــــــر من الخلافات والتطورات السلبية فى حياتنا 

 ولو رجعت للتاريخ والتفسير للأية هتجد ان كلمة قوامون كانت بتطلق على الخدم 

لانهم بيقوموا على خدمة الزبائن .. بمعنى مباشر ان دة تكليف من الله ان يقوم أدم على حواء بخدمتها وتلبية طلبتها لما أعطاة الله من صفات وقدرات وقوة تفوق المرأة  ... ودى طبيعة الراجل ... الست متقدرش تقوم بالمهام الصعبة والشاقة ... لكن لما يقوم الراجل بهذة المهام كما أمر .. ما فيش حاجة فى الكون ممكن تعوضة هذا التعب غير أحتواء امرأة لية .... وهنا بيجى دور المرأة الهام جدا .. اللى فى حالة غياب دورها هتجد عدم اتزان فى الكون وأجيال مهملة وأدوار ضعيفة غير مؤثرة نتيجة غياب المرأة عن هذة الاجيال

الموضوع شاق جدا على المرأة لان فى حالة خروجها من دورها الرئيسى فى الكون بالفعل ممكن تثبت نجاح فى مجالات كتيير ة جدا 

لكن مافيش حد يقدر يملى الفراغ اللى بتهملة فى دورها الاساسى 

مش مقتنع بردة انها ضحية .... لما تجد حواء حاملة لأى مرض نفسى .. دور على الرجل اللى تثبب فية ... ولو وجدت حواء بتقوم 

بشىء سىء ... دور على الراجل اللى سمحلها انها تقوم بية بردة 

ولو وجدت حواء تغيرت فى يوم من الايام .... تأكد تماما ان فى حد دخل حياتها ...او خرج بردة على فكرة
.

محمد صلاح