هيا ولا مش هيا !!
هيا ولا مش هيا !!
السؤال دة اللى بيقابل أى شاب اول ما بيعجب بأنسانة وبيلاقى نفسة عندة فضول انة يتعرف عليها ويدخل حياتها نتيجة شيىء بيجذبة ليها هوة نفسة مش قادر يعرفة ...
الموضوع دة هيتوقف على نقطتين ... النقطة الاولى الحاضر ودة الشىء اللى يخصك ... والنقطة التانية المستقبل ودة اللى يخص أولادك
اول حاجة الحاضر ... هتجاوب على الاسئلة دى بمنتهى الصراحة لانك لو مش صريح مع نفسك يبقى ات بتختار طريق التعاسة ليك طول العمر
اول حاجة هل الانسانة دى فعلا انت تأتمنها على أسمك وعلى شرفك ... يعنى هل فى يوم من الايام او فى اى موقف من المواقف .. هل ممكن تشك فيها ... لو فى احتمال 1% يبقى الموضوع انتهى .
تانى حاجة ... مش انك تحاول نعرف انك رقم واحد ولا لا ... دة غلط ,,, انت لازم تتأكد انك انت بس ... يعنى هل انت بتمثل ليها فرصة كويسة او انسان كويس .... ولا بتمثل ليها قرار طول العمر
تالت حاجة هل الانسان دة محتاجك تبقى معاة فى كل حالاتك وظروفك ولا لية حدود معينة وقدرة تحمل معينة مش هيقدر يتنازل عنها ؟
لاااااااازم تعرف الفارق ما بين الكلام والافعال ... اى حد ممكن يتكلم ويوعد بأأأأأأأأأأأأأااى حاجة ... بس قليل قوى اللى يقدر يوفى بكل حاجة قالها فى يوم من الايام
النقطة دى بقى فيصل ... بعد ما عرفت الانسان دة وعاشرتة ... هل فعلا الانسانة دى قد اللى قالتة ولا دة كان انفعال وليد اللحظة مش اكتر ؟
نيجى للجزئية التانية : اللى تخص اولادك .... هل البنت دى فعلا اللى انت تتمنى ان بنتك تبقى هيا لما تكبر .... هل البنت دى انت محتاجة تكمل وتكون هيا اللى تربى فى حين انك مشغول فى انك توفر حياة كريمة ليهم ... هل البنت دى فعلا تشرفك امام الناس عقلا وخلقا ؟
أى انسان لة تجارب ولة مواقف عدت فى حياتة .. هل انت قادرعلى انك تتقبل كل اللى فات فى حياة شريكك ؟
خليك صريح ..أعمل اللى عليك وسيب ربنا يختارلك شريكك
الطيبون للطيبات :)
ليست هناك تعليقات