لو أنت صح .... لية خايف

كالمعتاد .... وكعادة الايام الحالية اللى بنمر بيها دلوقتى ....نقاشات ... وأراء .. وكل واحد مقتنع اقتناع تام انة هوة اللى صح ... وأى أختلاف معاة بأى شكل من الاشكال ... يبقى خاااااااطىئ  تماما

طيب انا معاك ... لو انت اللى صح والافكار اللى انت متبنيها وبتدافع عنها صح ولا يجوز الشك فيها ... لية بقى مش عايز تسمع الطرف الاخر !!

... لية مش قادر تتقبل افكارية وتتقبل فكرة احتمالية الخطاء وأحتمالية الصواب !!

لو أنت صح مكنتش رفضت انك تتقبل الفكر الاخر ... وتدخلة الى عقلك لتحدث حينها ما يسمى بالفلترة العقلية او الحرب الساخنة داخل عقلك مابين كل من افكارك والافكار المضادة .... ودة بيرجع لأنك متأكد تماما ان افكارك ضعيفة وحججك واهية لن تتمكن من الصمود تجاة الافكار المخالفة لها ...

لو واثق فى نفسك وفى حجج أفكارك ورواسخ مبادئك ... أسمح بدخول الافكار المعادية لفكرك .... وشوف مين ينتصر ... مين اللى حجتة أقوى .

أحتراما لعقلك انا هديك أمثلة من التاريخ .... افتكر الكفار مع سيدنا محمد ... أى حد كان عندة ثقة فى نفسة وفى أفكارة كان بيدخل الاسلام ؟؟ عارف لية .. لأن ثقتة فى نفسة وفى أفكارة كانت بتديلة الدافع اللى تخلية يدخل الافكار المعادية لية "الاسلام" لعقلة .. وبمجرد دخولها كان الاسلام بحجتة الاقوى فى شتى النواحى كان بيتفوق . . . يبقى انت لية بتطلب من الناس انها تتقبل تفكيرك وتبدأ تضع احتمالات صحتة وانت رافض تماما حتى تقببل هذا الفكر على سبيل التعارف مش أكتر ...  

مثال أخر ... الناس اللى رفضت طريقة تفكير د/مصطفى محمود وبدأو فى وصفة بالكفر والألحاد نتيجة بعض أفكارة اللى كان بيناقش بيها بعض الأمور الغيبية كالموت والحساب والجنة والنار والله وما وراء المحسوسات ...

الناس دى رفضوا دخول أفكارة الى عقولهم نتيجة ان حججهم كانت ضعيفة جدا امامة فكان الطريقة الاسهل كالمعتااااااااااد التشكيك فى صحة هذا التفكير ... وبعد 30 سنة نرجع نكتشف صحة كلامة ومناقشاتة بالكامل ونكتشف انة بالفعل كان أمامنا كنز سابق لعصرة .

واثق فى نفسك أقبل ان عقلك يحارب .. بس تعرف انك انت الكاسبان فى كل من الحالتين ... عارف لية ؟

لأن لو أفكارك تفوقت بحجتها يبقى أنت فى الطريق السليم .. ولوأفكارك أتهزمت ..  يبقى انت هتتبنى للأفكار الأقوى من ناحية الحجة وتبقى انتقلت للطريق السليم ..

يلا مستنى أية .. أدخل الحرب انت كدة كدة كسبان ...

محمد صلاح