هوة دة ولا لأ ؟

هوة دة ولا لأ ؟

زى ما كتبنا امبارح عن اختيار الرجل لزوجتة او البنت اللى بيختارها

انهاردة هنتكلم عن أختيار البنت للزوج او للشاب اللى هترتبط بية . طبعا ارتباط 

رسمى ..

اولا : لما تشعرى انك بالفعل مشدودة لشخص ما بعيد عن السطحية

اول حاجة هتجدى ان الشاب دة بالفعل بيشبة والدك فى أكثر من شىء ... لان والد 

اى بنت هوة حلمها

وبطل قصة حياتها .. ودة بيبقى فى الغالب طبعا .

ثانيا هتجدى اى هذا الشاب بالفعل اللى نفسك يبقى أبو ابنك او ان ابنك لما يبقى فى 

سنة يبقى كربونة من هذا الشاب

طيب لازم تجاوبى على الاسئلة التالية بصراحة متناهية ..

هل هذا الشاب أمين عليكى ؟

هل دة فعلا اللى ممكن تفنى من أجلة عمرك وانتى فى كامل رضاكى وسعادتك ؟

هل سعادتك هتتوقف على شىء واحد وهوة مشاركة هذا الشاب كل شىء فى كافة 

الظروف ؟

هل فعلا انتى بتمثلى للشاب دة الأكتفاء الذاتى من نساء العلم أجمع ؟

بما أنى راجل انا بقى هغشش البنات :p

اول حاجة الولد لما بيختار بنت انها تبقى زوجتة فى يوم من الايام بيعمل أقصى 

جهدة عشان يحقق هذا الشىء وبيخلى حبة وشوقة ليكى دافع انة يتعب اكتر ويشتغل 

اكتر عشان يسرع الوقت .. د اللى بيحبك .. 

انما الشاب السيس بقى هتجدى ان حبة ليكى بيدفعة انة يعلقك بية خوفا من انك 

تضيعى من ايدة مش اكتر

بمعنى انة بيمشى بمبدأ المليان أحسن من الفاضى .. ولو فى بديل ليكى هتجدى 

بالفعل انك بقيتى مهمشة اومش انتى التفضيل الاول داخل حياتة ... وانتوا 

دكااااااترة 

فى هذا الشعور قبل حدوثة .

تانى نقطة الحلال ... الواحد مننا لما بيجى يختار او ينتقى بنت انها تبقى ام اولادة 

بيختار اكتر واحدة يثق فيها .. مش هيختار احلى واحدة ولا اكتر واحدة دمها خفيف 

...  بل هيختار البنت اللى لو حصل احتلال أجنبى لمصر بردة محدش يقدر يقرب 

منها او ثقتة فيها لا يقربها شىء مهما حصل .

وهتجدى ان هذا الشاب بيخاف عليكى اكتر منك .... طب ازاى ؟

البنات بطبيعتهم رومانسين وحنيين ودى طبيعتهم بصفتهم امهات فى المستقبل .. 

الراجل اللى معاكى بقى هتلاقية بيحط حدود لرومانسيتك على طول هتلاقية بيخاف 

حد يتطلع على علاقتكم هتجدى انة لا يسمح  

لنفسة انة يمس طرف صباعك .. عارفة لية .. لانك لو سمحتيلة انة يلمس طرف 

صباعك مش هينام من الشك ... لانك كنتى بالنسبة لية صفحة بيضة نقية وبمجرد 

لمسة لهذة الصفحة بتتلوث هذة الصفحة فى نظرة ومخيلتة ودة شىء الراجل مستحيل 

يتأقلم معاة مهما طال الامر ... عشان كدة أكثر حالات الطلاق بتكون مابين 

الازواج 

اللى كانوا مبيضعوش حدود للتعامل مع بعضهم أثناء فترة الخطوبة لأن فكرتك عن 

الانسان اللى قدامك دخل عقلك بتفضل حاملة لهذة الصورة السيئة والتجاوزات 

وبتبقى 

باب للشيطان والوساوس بعد كدة 

الشاب اللى بيحب واحدة بيستثمر فيها .. بيستخدم كل ما يملك من زكاء لفهم البنت 

اللى معاة عشان  يعرف يسعدها ويعرف ازاى يقف جمبها ويخفف من ألمها فى اى

 وقت او فى اى موقف تمر بية

هتجدى الولد دة بيفضلك على نفسة وبتتحول سعادتة الى شىء خاص بيكى انتى 

بمعنى انة بيتلاشى كأنسان وبيبقى الشىء الوحيد اللى بيسبب لة سعادة انك تبقى 

سعيدة .. دة بس الشىء اللى يخلية سعيد ... واى شىء بيسبب ليكى ضيق بيسببلة

 ضيق أكثر منك ... لأنك بقيتى أهم من ذاتة كشخص .

الولد اللى بيحب بنت بيحبها قدام أهلها بس .. بيحبسها فى خاتم فى أيديها اليمين .. 

بيرفض فكرة الشىء الخفى او الشىء الغير معلن .. بل بيبقى فى أحلى لحظات 

سعادتة انة يعلن للعام كلة انك لا تنتمى لأى أحد غيرة .. ودى غريزة التملك داخل 

كل راجل اللى لن تتغير زى بردة لما بنت تقولك انا مبغرش انا واثقة فى نافسى 

ساعتها تعرف انها هغير عليك من حواجبك :P

وانا هقولك الفيصل ... أتقى الله فى نفسك .. هتجدى من يتقى الله فيكى .

الطيبون للطيبات .

خليكى طيبة عشان يجيلك حد طيب