السم فى العسل

فى علم النفس فى حاجة اسمها ال 

 indirect messages

وبيعرفها العلماء على انها رسائل او واقع بيتنقل للمخ عن طريق حاجة غير

 مباشرة ... يعنى حاجة غير صريحة . مش دى مشكلتنا خالص .. المشكلة بقى 

ان الرسايل الغير مباشرة دى بتتحول داخل العقل لواقع مصدق علية ...

صعبة شوية صح !! طيب ابسطهــــــــــــــــــالك

فى الكتير من الافلام الهابطة فنيا دلوقتى هتلاقى البطل فى اغلب الاحيان بيبقى

 صايع .. مدمن .. بتاع نسوان .. حرامى .. الخ الخ الخ واللى داخل احداث الفيلم

 بالكامل انت بتبقى متعاطف معاة فى حين انة فى اغلب مشاهد الفيلم ممكن يبقى

 قتل اكتر من شخص وسرق كمان وفى الغالب بيكون قام بعلاقة كاملة فى الحرام 

+18

انما داخل اطار الفيلم بتجد نفسك متفاعل معاة جدا .. وممكن كمان تبقى فى صفة

 مهما كانت افعالة .

وممكن تفتكر معايا كمان الفيلم العالمى تيتانك ...  البطل كان حرامى .. مقامر .. 

صايع ... وعمل السليمة فى مخز السفينة ...

انما لما تيجى لنهاية الفيلم تقريبا كل الناس اللى بتعدى من قدام الكاميرات بتكون

 بتغرق او بتقع عشان تغرق او بتغرق عشان تغرق ..

انما انت مع كل الل بيموتوا دول انت كنت متفاعل مع شخض واحد .. وممكن

 تبقى من العظماء اللى عيطوا لما مات فى الاخر .

كام فيلم عربى او اجنبى الزوجة بيبقى ليها عشيق ... واحداث الفيلم كلها بتخليك

 متعاطف جدا مع الزوجة ومع مبررات افعالها مهما كانت تجاة الزوج اللى بيظهر

 بمظهر الوحش المخيف واللى بتكون مبررات خيانتها لة كلها مقبولة قبول تام !!

كل اللى فات دة بقى انساة خالص .. ركز فى اللى جاى ...

فى مجتمع زى مجتمعنا السرقة حرام .. القتل حرام .. السيكوسيكو حرام ومجرد 

التفكير فيها علية علامات حمرا كتير .

انما فى الوقت اللى بنعيشة دلوقتى وبعد كمية الرسائل الكبــــــــــــــــــيرة جدا 

اللى بتحيط بينا من كل النواحى سواء فى الاغانى .. المسلسلات .. الشارع ... 

الشغل .. هتجد انها بقت مقبولة للعقل تماما !! بل وكمان بقى ترددها على ودنا

 عادى جدا ... مين فينا مالهوش الصاحب اللى خارب الدنيا مع البنات ... بس 

جدع قوى .. مين فينا مالهوش الصاحب اللى بتحتجلة فى الخناقات ومعاة سلاح

 وقلبة جامد فى الدم.. بس صاحب صاحبة ... مين ومين ومين .

بقت كل الابطال دى نماذج حية موجودة فى مجتمعنا .. وتحولت من رسايل غير

 صريحة لنماذج حية .. لسلوك مجتمع ... لواقع حى بنعيشة كلنا .

السؤال البديهى ..

يعنى نقعد فى بيوتنا ونقفل علينا !!

الرسايل دى بردة هتوصلك .. عندك عيون وفى تليفزيون وفى جرايد وفى 

معارف وفى تليفون وفى نت وفى فى وفى ..

طب والحل !!

الحل ان الطبيعى اننا كلنا هنتعرض لمصادر الرسايل دى ... بس لازم تبقى محدد 

موقفك تجااها وتبقى رافضها شكلا وموضوعا .

والاهم من دة كلة : الجيل اللى طالع .. ابنك وأبنى وأبنك انتى كمان .

لازم تزرعى جواة الفلتر اللى يكون قادر بية انة يكتشف الرسايل دى ويكون قادر

 على رفضها

لان مشكلة الرسائل اللى من النوع دة انها فعلا مش بتبقى مباشرة او صريحىة ..

 او ظاهرة .. والمشكلة التانية انها اطار نموها سريع جدا لاننا مش قادرين على 

ملاحظتها .

الفلتر دة بيكون المؤشر اللى بيصفر جواة تجاة اى شىء مخالف مهما كان 

مستخبى .. مهما كان عميق .