أوعى ترتبط
دة مش تهديد والله ... دة تحذير عشان متأذيش نفسك بطريقة مؤلمة أو تبقى سبب فى ألم أنسان غيرك .
أوقات كتير بندخل فى علاقة سواء العلاقة ناجحة او لاء مش دة الموضوع .. بس توقيت الدخول بيبقى خاطىء فى كتير من الأوقات وبيبقى دة السبب فى الفشل بعد كدة ... إنهاردة بقى أحنا هنتكلم عن الأوقات اللى لو أنت فعلا دخلت ف علاقة أعرف تماما انك مش بتحب ... دى حاجة وقتية ناتجة عن الحاجات اللى هنتكلم عليها دلوقتى ...
أول توقيت ... توقيت العمل
طبيعة العقل البشرى انة لا يحب القيود او الضغوط .. ودة سبب الامراض النفسية بطبيعة الامر ... ومن هنا يبدأ العقل بوصف مكان العمل بأنة المكان اللى انت مجبر على التواجد بية ومجبر على التقييد بقوانينة ومجبر كمان على الالتزام ببعض المهام فية وأنك تقوم بيها كمان ...
فمن الطبيعى ان عقلك يشعر بالضغط بمجرد التواجد فى هذا المكان ... فمن الطبيعى ان عقلك هيبدأ يدور على سبيل للخروج من هذا الضغط ... وطبعا مافيش أحلى من حل بيتمثل فى أنسان بيهتم بيك وبيملى وقتك اللى انت عقلك رافضة بوقت انت سعيد فية وبتشعر فية بحب وأهتمام طرف أخر بيك .. وفى الاغلب دة بيكون نفس الظرف اللى بيمر بية الطرف الاخر وبيجدك انت كمان كحل لهذا الوقت .
تانى توقيت هنتكلم علية ... هوة التوقيت اللى بيللى فترة الانفصال مباشرة
بعد أنفصالك عن الطرف الاخر بتشعر بحالة من الفراغ ... سواء العاطفى او العقلى او او او ولكن اللى متأكدين منة أنها فترة شعور بفراغ .. وكعادة الانسان انة بيرفض هذا الشعور وبيحاول يملاة زى ما بنقول بالعربى .... بالتالى الحل الوحيد انة هيدور على شىء من نفس النوع اللى بيشعر فى الفراغ من ناحيتة... وبالتالى هيدور على انسان يملى هذا الفراغ .
تالت توقيت ودة الاهم على الاطلاق ... فى حالة الخذلان ...
ودة الاهم على الاطلاق وهنقول لية بالتفصيل حالا ...
لما بتخذل من الطرف الاخر سواء بوعد كاذب او خيانة او غش او اى نوع من الانفصال اللى مرتبط بحدث سىء بيكون عندك شعور بالظلم والضعف ... انك تم خذلانك من الطرف الاخر ... بيبدأ عقلك يكون فكرة الانتقام او العدوانية ... ومن هنا بيبدأ للأسف يدور على سبيل للأنتقام
ومن هنا يبدأ العقل فى استعطاف الاطراف حولة حتى يقع الضحية ... ومن هنا تبدأ فى الانتقام عن طريق انك تعلق الشخص دة بيك او توعدة بوعود انت موقن تماما انك غير قادر على تنفيذها ... وتبدأ تنسحب عشان تسببلة نفس الشعور اللى تسبب فية انسان قبلة ليك .
التوقيت الرابع انا هسمية .. الممنوع مرغوب ...
طبعا دة مبدأ بيعمل بية العقل البشرى انة بيتعلق بأى شىء صعب المنال او أى شىء ممنوع أكتر من تعلقة بما هوة متاح أمامة .... ومن هنا بيبدأ فى محاولة الوصول لأكثر الشخصيات حولة صعوبة فى الحصول علية .... سواء كان الطرف الاخر رجل فبتحاول الانثى الحصول علية بشتى الطرق ولو كان الطرف الاخر دة أنثى فبيحاول الراجل الحصول عليها بكافة الطرق ايضا ....
وبمجرد الحصول على هذا الشخص صعب المنال وتكوين علاقة معاة ... بيبدأ تقل قيمتة امامك نتيجة انك اشبعت غرورك بالحصول علية .... وبتكون النهاية الطبيعية هيا الانفصال لانك تشبعت خلاص .
كل الاوقات دى خطأ كبيــــــــــــــــــــــــــــــــــــــر جـــــــــــــــــــــــداً أنك تدخل فى علاقة فيها ... لأن الموضوع مش بيبقى هل أنت فعلا أخترت الشخص الخاطىء ولا أخترت الشخص الصحيح .... القصة بتبقى انك بالفعل مش فى احتياج للشخص دة أصلا ... دة مجرد أقتناع كاذب بداخلك أنك فى أحتياج لية ..... انت فعلا فى احتياج لية ولكن أحتياج وقتى مش أكتر ... وهتلاقى علامات كتير على الكلام دة فى فترة الارتباط ...
*هتجد أن حجتك الوحيدة لأنة يملى هذا المكان أنك فى أحتياج لية ودة خاطىء لأنك لما ترتبط بأنسان ويكون الدافع أنك فى أحتياج لية فى الفترة الحالية بمجرد الاشباع هينتهى دور هذا الانسان فى حياتك ويبقى غير مرغوب فية ... لأن الاحتياج بطبيبعتة وقتى ... ولاتوجد علاقة سليمة تبنى على الاحتياج ومش من المنطقى انك تبنى علاقة دائمة على أساس شىء زمنى مؤقت وهو الأحتياج.
* هتجد ان الانسان دة انت عايزة فى حياتك لكنة لا يمثل قيمة ليك غير ان بيمىلى مكان معين فقط لا غير ...
* وهتجد على الرغم من أحتياجك لية الا ان عقلك مش متشبع منة او تقدر تقول كدة مش داخل دماغك الموضوع ومش شايفة مثالى فى حد ذاتة ....
* وكمان لو انت انسان الناس بتنجذب ليك بطبيعتك هتلاقى نفسك قادر على الانجذاب لاى حد قادر انة يملى الفراغ اللى جواك فى نفس الوقت اللى انت اصلا مرتبط فية بالطرف الاول ... وانك على استعداد على استبدالة فى اى وقت ...
* وهتلاقى كمان ان عقلك رافض لهيئة الطرف الأخر أو ممكن تجد ان ليك تعليقات كتــــــــــــــــــير قوى علية وانك بتنتقض فية صفات كتير جدا بمعنى أخر رفض عقلك التام لوجودة فى المكان دة لكن اللى مسيطر على الوضع دلوقتى هوة مشاعرك العمياء مش أكتر وهيا اللى أصدرت الأوامر بستمرار هذا الشخص فى موقعة الى حين ايجاد حد أفضل يملى نفس الفراغ .
* وهتجد كمان انك غير قابل لأى تغير بهدف أرضاء الطرف الأخر او ف أستعداد للتضحية بأى شكل من الاشكال حتى لو هتضحى بشىء أنت فى غنا عنة .
المشكلة انك ساعات بتندمج لحد ما تجد نفسك فعلا فى أطار رسمى أو انك أرتبط او بأمرواقع أنك مع الأنسان دة .. وبالتالى هتبدأ تفوق .... وتوقن تماما أنك بتكرر نفس الخطأ مش أكتر ولكن مع طرف جديد وأن هذا الطرف لا يختلف عن أى تجربة سابقة غير بالأسم ... زى المقولة الشهيرة للعالم أينشتين
من الغباء تكرار نفس الشىء بنفس الطريقة مرتين وأنتظار نتائج مختلفة ....
وخدها منى نصيحة .. العلاقات دى أرزاق ذيها ذى الصحة والاطفال والمال والسلطة و و و و وغيرها من أنواع الرزق يبقى من غير الصحيح انك تدور عليها .... ومن الغباء أيضا تحاول تكونها او تتخيل أنك فى أحتياج ليها .
خليك موضوعى .. خليك عاقل .... أوعى تكون السبب فى ألم شخص أخر ... وبردة مش صح أنك تكون ضحية شخص أتجرح أو مر بظروف أدت انة يحاول يعالج نفسة بيك ...
أعقلها وتوكل ....
محمد صلاح :)
ليست هناك تعليقات