شوية طوب

شوية طوب ..... اة والنعمة !!

طبعا لو سألت اى حد اية الفرق بين الانسان والطوب .... بكل بديهة هيقولك 

الانسان بيفهم والطوبة لأ .... بجد !! 

برافوا عليك ..... 

طيب تعالى نسألة نفس السؤال بطريقة تانية شوية  

هوة احنا لية ربنا عملنا شهر اسمة رمضان ؟؟ نفس الشخص بتاع الطوبة فى 

الاول هيقولك عشان نصوم طبعا ... طيب نصوم لية ؟ ..... البية سكت 

انا اقولك بقى ... نصوم عشان نشعر بالفقير اللى لا يملك قوت يومة ... هل 

احنا 

بنعمل كدة ؟؟ الاحصائيات بتقول اننا بنستهلك أكل فى الشهر دة بما يعادل 

الاستخدام العادى ل5 شهور فى شهر رمضان بس... رمضان الشهر الوحيد اللى

 بتلاقى فية عيادات الباطنة مافيهاش كرسى فاضى من التخمة والانتفاخ التلبك 

المعوى ربنا يحفظنا ..... !!

طيب تعالى اسال نفس الشخص الغريب اللى سالتة فى الاول احنا بنصلى لية ؟؟ 

طبعا كالعادة وبكل تدين وحكمة هيقولك لان دة امر من ربنا ولاننا لازم نصلى 

عشان ندخل الجنة ... طيب مش هوة فى ناس بتصلى ومش هتدخل الجنة ...

 وفى ناس مصلتش قبلينا وهتدخل الجنة ... ؟؟

امال بنصلى لية ؟؟

كلمة صلاة جاية من كلمة صلة .. الصلة ما بين الخالق والمخلوق ... لما تسمع

النداء تلبى للخالق ... لما تحتاج حاجة تروح للخالق وتركع .... لما تحس

بضيق صدر والدنيا تيجى عليك تبصلة وتركع وتعترف بقدرتة عليك وعلى كل

 شىء ... لو حاسس بضيق وجة ميعاد الصلاة وصليت وخلصت صلة ولقيت

 نفسك لسة مخنوق .. نصيحة عيد الصلاة تاني لانك لو عارف معنى الكلمة كنت

هتخرج من الصلاة مبتسم  

دور فى حياتك هتلاقى 1000 حاجة نفس القصة .. مش عارف الهدف الرئيسى 

!!

طيب والحل ؟؟

الحل بسيط اوعى تعمل حاجة وانت مش عارف انت بتعملها لية ... ولو لقيت

 الاجابة الوحيدة اللى قدامك " أصلهم بيعملوا كدة " صدقنى يبقى بتعمل حاجة

غلط ... وحتى لو كانت حاجة صح ... مش هتفيدك لانك مش عارف انت

بتعملها

لية .

مش قلتلك "شوية طوب"