ذكريات دستورية

نقول أة ولا نقول لأ ؟؟ من اول السطر ............

طبعا الشغل الشاغل لكل المصريين النهاردة نقول اة ولا نقول لا فى الدستور الموضوع كتير منا هيقول اة من غير ما يقرا حاجة وكتير منا هيقول نعم من غير بردة ما يقرا حاجة 

ودة طبيعى فى بلد ما فيهاش حزب سياسى من اكتر من 60 سنة 

الجهل تعريفة هو عدم العلم بالشىء او بردة التعريف اللى كتير قوى ميعرفهوش انة بردة عدم القدرة على تقبل الشىء . زى الكفار زمان كانوا جهلة لانهم لم يتمكنوا من قبول الاسلام مع تأكدهم التام بأن هوة دة الاختيار الصح .
عشان تعمل قانون عرف كلمة قانون ؟؟ كلمة قانون تعنى لوائح وقواعد عامة تنظم وتضمن العلاقات والتعاملات بين الافراد
طب كلمة دستور .. الدستور هوة بردة قانون ولكن بينظم علاقة كل من الحاكم بالشعب والمنظمات والحكومة .
عشان تعمل حاجة تقيد وتلزم الجميع يبقى كل اللى هيطبق علية الدستور دة او القوانين دى لازم يشارك فى وضعها كل من الطرفين + جهة محايدة ... كلام جميل قوى ... طب هل دة هوة اللى حصل ... اقولك لا ... اللى حصل دلوقتى ان جت جهة واحدة حتط الدستور وبتطالب كلللل الجهات التانية انها تلتزم بية ... وندخل للمرحلة التانية اللى بتقول اننا نستفتى على القوانين اللى تم وضعها عشان تنظم علاقة كل جهة بالاخرى فى حين ان جهة واحدة بس هيا اللى وضعتها يبقى مش من حق حد يلتزم بيها غير اللى وضعها ..... ولا يمكن فرضها على باقى الجهات حتى لو قلنا نعمل استفتاء نظرا لعدم شرعيتة لعدم مشاركة الكل فى وضع نصة ومن الظلم البين انك تحاسب انسان وتلزمة بقوانينك انت اللى حاتطها .....من غير ما يكون لة رأى اة على الاقل يشارك فيها ...
طيب واحد ايجابى قوى يقولك طب ما تيجى نقرى الدستور ونقرر ... الدستور يا حبيب قلبى مش مجلة ميكى هنقراها ويا تعجبنا يا متعجبناش ... دى نصوص وقوانين محددة وملزمة للغاية يعنى من الطبيعى جدا انك حتى لما تقرا نصها متوصلكش كلها او يوصلك جزء من المعنى او يوصلك صورة جانبية لكن المعنى المطلق طبببببببببيعى جدا انك مش هتفهمة مجملا ...
حذارى ان اى مثقف يثق فى نفسة انة قادر على قرائتة وفهمة بمجرد انة لة القدرة على القراءة ... متضحكش على نفسك ... بتعرف تقرا وتكتب اة ومثقف كمان كل دة جميل ... بس صدقنى انت لو مسكت رسم القلب مش هتعرف فية حاجة لو مسكت خريطة معمارية مش هتفهم حاجة لو مسكت صفحة برمجة مش هتفهم حاجة ... واوعى تقول عليا سلبى او مصعب الموضوع .... لا اانت اللى فعلا غير قارد على تقبل كلمة شرعية ...
والدليل على انى لست انسان سلبى هقولك الحل ... الحل بمنتهى البساطة ان كل الاطراف اللى هتلتزم بالدستور دة لازم تشارك فى وضعة ... مش فى الاستفتاء يا ناصح منك لة ...