المرض الخفى
للأنتباة ......
الأمراض البسيطة كالسعال والبرد وألم العظام والضيق كلها أمراض بسيطة ومن بساطتها ان اعراضها بتبقى مباشرة وصريحة ومع بداية المرض بتبقى واضحىة
أنما الامراض الخطيرة ربنا يشفينا أحنا وباقى المسلمين جميعا زى الكانسر والكبد مش بتظهر لها أعراض الا فى المراحل المتأخرة ..اللى هيا تقدر تقول ان المرض بيبقى تمكن خلاص ومافيش أمل من العلاج
الامراض النفسية بردة كدة على فكرة كدة .. ممكن تمر بضائقة او موقف او مرحلة فى حياتك تكتسب فيها مرض نفسى "عقدة" وتكون بسيطة فتبقى أعراضها واضحة عليك وتلاقى اللى حواليك لحظوها وبدأوا يقدموا ملاحظات عليها
أنما للأسف ممكن تكتسب مرض نفسى قوى ميظهرش لة أعرض بل على العكس ان اللى حواليك يبدأو يفرحوا بسبب سرعة تعافيك من المرحلة الحرجة النفسية اللى انت مريت بيها
ودة خطر جدا لأنهم مش عارفين ولا انت ان بذور مشكلة نفسية كبيرة جدا بدأت بالفعل فى التكون داخلك ...
طب اعرف ازاى ؟
هتلاقى زى ما ببحصل فى الافلام كدة ... يقولك "انا اتغيرت تماما وبقيت انسان تانى" .. ما فيش حد بيتغير تمام ... فى انسان بيجد سلبيات بتظهر لية فى شخصيتة بسبب مواقف معينة بيمر بيها بيبدأ يصلح منها
أوعى تاخد خلاصة ألم شعرت بية فى تجربة وتأخد منة مبادىء ... خد من التجربة دروس .... فكر انت عملت اية وكان الناتج اية واية اللى كان الصح انة يتعمل ... مش اية المفروض اللى كان يتعمل .. خليك فى الصح ... الصح هوة اللى ميتخالفش مع دينك .... الشىء الصح هوة اللى ممكن تعملة قدام الناس وانت مش خايف او مكسوف
أوعى تسيب نفسك تبقى ملجأ للأمراض النفسية وانت مش واخد بالك وفاكر نفسك بتكتسب خبرات ...
ليست هناك تعليقات