أنواع الشياطين
الشياطين دى انواع .... وكل شيطان بيختلف فى قوتة عن التانى وفى اسلوبة كمان :-
انا بقسمهم 3 مستويات
المستوى الضعيف ... ودة اللى بيحاول يقنعك ان اللى بيغلط او بيعمل ذنب هوة الانسان الضعيف بس .... وانت انسان قوى يبقى مش هتغلط ... وكدة الشيطان الاول كسب
المستوى المتوسط .... هوة اللى بيحاول يقنعك انك ممكن تتغلب علية بذكائك .... وبما انك زكى جدا بالتالى مش هتغلط ... وبكدة يبقى الشيطان التانى كسب
المستوى التالت .... وهوة اللى بيحاول يقنعك بأية بقى !!!!!! ...... بيحاول يقتعك انة مش موجود اساسا ... والنوع دة هوة اخطرهم على الاطلاق ..... لانة بكدة تمكن منك تماما
خليك على يقين ان ربنا معاك فى كل لحظة ... والشيطااااان بردة ....
كل ما تيجى تعمل اى حاجة غلط تخيل ان الاتنين قدامك .. وانت فى مسابقه بالنقاط ... وبينادوا عليك السؤال الاول ... هتختار ربنا ولا هتخار الشيطان ... واللى هتختارة كل مرة بتحسب لية نقطة ...
خليك معايا ثانية واحدة ... انت متخيل الموقف لما ينادوا عليك السؤال الاول هتختار ربنا ولا الشيطان وتروح قايل الشيطان .. والشيطان يفرح هوة وجماعتة ... هل ساعاتها هتقدر تستحمل تشوف ربنا وهوة بيبصلك ؟؟ هتقدر ... بعد كل النعم والصحة والستر اللى انت فية دة ... هتقدر تبصلة ... هتقدر تبصلة وانت بتقول انا بختار الشيطان وبتفضلة على ربنا فى كل سؤال ...
أكييييييييييييد كل اللى بيقرا دلوقتى هيقولى اكيد انا هختار ربنا ... انت عبيط فاكرنى هختار الشيطان واسيب ربنا
أحب أقولك انك فى كل ذنب عملتة قبل كدة اخترت الشيطان ... وأديتة النقطة .... أفتكر النوع التالت كوييييييس ... لو مش فاكرة اطلع فوق شوية بعينك تانى وأقرا النوع التالت من الشياطين ... عشان هوة اللى كسب
ليست هناك تعليقات