علاقات
علاقات علاقات علاقات
اغلب مشاكلنا فى حياتنا او اللى بتشغل جانب
كبير قوى من حياتنا بتكون غالبها مشاكلنا
فى العلاقات ... والمشاكل دى كتير جدا
ومتعددة والسبب فى دة بيرجع اننا كمخلوقات
بتربطنا بكل حاجة حوالينا مجموعة غير
محدودة من ...............العلاقات .
الموضوع كبير قوى عشان كدة انا هتكلم انهاردة
بس على علاقتانا مع بعضنا كبشر .
لما قعدت فترة افكر فى الموضوع الخاص بمشاكل
العلاقات وبدأت اسمع من اللى حواليا
مشاكلهم وامر انا نفسى بمشاكل فى علاقاتى لقيت
ان اى مشكلة فى علاقتك بأى انسان
فى حياتك بترجع لنقتطين تقريبا هما اللى بيتكرروا
فى كل المشاكل ... زى البطل كدة
بيطلع فى كل مشهد
النقتطين دول ببساطة شديدة جدا هما كالتالى
:-
يا اما مش عارف يعنى اية علاقة ... وبيكون
الناتج اخفاق
يا اما مش قادر تحط تعريف مناسب للشخص الى بتربطك
بية العلاقة ...
تعالوا نتكلم على كل نقطة لوحدها .
المشكلة الاولى
اول نقطة قولنا انك مش بتبقى عارف يعنى اية
علاقة ... أهوة بتعامل وخلاص .....
هى دى المشكلة ...
الحل بقى اننا نعرف ونشرح يعنى اية علاقة
العلاقة = ثقة + أحترام
ببساطة شديدة جدا هوة دة التعريف
عشان تربطك علاقة بأى انسان مهما كان لازم
يقى فى جانب من الثقة المتبادلة
الجزء التانى هوة الاحترام ... والاحترام هنا
مش معناة انك تتقبلة بكل ما فية بل وتبدى
الاحترام ايضا للانسان دة وافكارة مهما كانت مختلفة معاك .. يعنى مثلا لو هتتجوز
واحدة بتحب الرسم مش شرط تكون انت كمان بتحب الرسم .. لكن على الاقل تكون
مش بتشوف
الرسم على انة حرام او حاجة تافهة ...
المشكلة التانية
النقطة التانية اللى هنتكلم فيها هيا انك بتكون
غير قادر على وضع تعريف محدد
للشخص اللى قدامك واللى بتربطك بية علاقة ...يعنى مثلا دة زميلى ولا صديقى .. دة
حبيبتى ولا معجب بيها ولا حد كويس ولا حد قريب ولا صديقة ولا ولا ولا
دى المشكلة ... طب اية الحل
الحل ببساطة بردة انى لازم يبقى عندى تعريف
محدد ودقيق لكل شخص فى حياتى ..
اول ما بتضع التعريف دة بيظهر فى الصورة نقتطين
هما البطل فى اللقطة دى ...
النقتطيت هما ...
الحقوق والحدود
حقوق الشخص دة عليك والعكس كمان ...
ومن هنا
مش هيحصل تقصير من طرف اى
حد منكم
وحدودك وحدود الشخص دة معاك ..
ومن هنا مش
هيحصل تطاول من طرف اى حد
منكم على الاخر
زى ما قلنا فى الاول خالص ان النقتطين دول
بيقوموا بدور البطل فى اى مشكلة بتظهر
فى اى علاقة ...
فى
مشاكل تانية اكيد .. لكن لو فعلا جمعت فى اعتبارك النقتطيين دول هتجنب مش اقل
من
90 % من مشاكل العلاقات .
ليست هناك تعليقات