"ايجاد البديل "
"ايجاد البديل "
عند الكلتين دول ممكن يقف تاريخ البشرية
بكامل...
ايجاد البديل من البداية كانت هيا القوة
الوحيدة الظاهرة والمؤثرة ...
الانسان طول عمرة بيحلم انة يكون عندة بساط
سحرى ... لو كان استمر فى حلمة والبحث عن
البساط دة كان زمانة لسة بيدور لحد
دلوقتى .... لكن هنا تظهر القوة ... التفكير فى الحل البديل
لحد ما وصلنا لكلمة
"طائرة"
طول عمرة بيحلم بفكرة طاقية الاخفاء مقدرش
يحققة .. دور على البديل الى ان وصلنا للكاميرات متناهية الصغر اللى ممكن تنقلك كل
شىء فى مكان معين بدون الاحتياج لتواجدك فى نفس المكان .
طول عمرنا بنتفرج فى الافلام على اللى بيمتلك
فيها الناس القدرة السحرية على السفر من بلد لبلد
فى لمح البصر ... دلوقتى انت
ممكن تبقى بتتكلم صوت وصورة مع انسان فى قارة تانية فى نفس
الثانية .
طول عمرنا بنشوف فى الافلام العملاق اللى
بيهدم البيوت والجبال بنفخة واحدة منة ... اظن
دلوقتى الانسان ممكن يخفى قارة
كاملة بمجرد الضغط على زرار ..
لما تركز فى كل الافلام والافكار الخيالية اللى
الانسان كان بيحلم بيها على مر العصور ...
هتلاقى انة بالفعل قدر يحققها لكن لما اتولدت عندة فكرة ... ايجاد البديل ...
فكر كدة ببساطة فى اى مشكلة بتقابلك فى حياتك
... واللى انت بيبقى عندك قناعة تامة انها ملهاش
مخرج او حل ...
وفتكر الانسان اللى قدر يخلق البساط السحرى
.. وطاقية الاخفاء ... والخاتم السحرى ... كل
الحاجات دى الانسان بالفعل حولها
لحقائق .
يبقى من العقلى والمنطقى والطبيعى انك قادر
على ايجاد حل .. بل أكثر من حل لمشاكلك ...
فكر فى البدائل ..
ليست هناك تعليقات