المضمون ,,, الجزء الاول

دلوقتى لما تيجى تتفرج على انسان بيقولو علية ملتزم هتجد انة بيطلق علية هذا

المسمى فقط لانة مثلا مربى دقنة او لابس جلبية قصيرة 

على فكرة ديننا دين مضمون ..... مش شكل ... لما ربنا وصف سيدنا محمد فى

القرأن قال أنك لعلى خلق عظيم 

والاخلاق هى الحاجة الوحيدة اللى الانسان بيختارها وبينفذها بكامل ارادتة 

انما لو على الدقن .... احب اقولك ان لما سيدنا محمد كان بيدعوا الناس للأسلام كان

هوة بدقن وابو لهب بردة بدقن وكفار قريش جميعا بدقون .... والدقن لم تفضل

سيدنا محمد عليهم 

لكن عارف اية اللى فضلة وأعلاة عليهم ... أخلاقة ... كانوا بيحاربوة ومازال لقبة

بينهم .... الامين 

شوفت دينا عمييييييييييق قد اية ... فكك من الدقن ... وعلى فكرة انا مش بتريق

 على الدقن .... بس الاولى انك تنفذ السنن الداخلية قبل ما تنفذ السنن الخارجية

او الظاهرية .... 

اللى جوة هوة اللى بيطبع على اللى برة ... لكن عمر ما اللى برة هوة اللى طبع على اللى جوة