حصاااانة ..... هيا دى المشكلة

المشكلة فى المرض النفسى انة بيبقى واخد حصانة ضد الفهم ... يعنى انت لو بقيت مريض

نفسيا بسبب تجربة او بسبب موقف معين مريت بية فى حياتك سببلك مرض نفسى او عقدة

نفسية بتلاقى انة قبل ما يبدأ يظهر عليك قدام الناس بسبب تصرفاتك او طريقة تعاملك معاهم

بيحصن نفسة الاول عن طريق انة يخليك تاخد نظرة عدوانية ضد الافكار المخالفة ليك 

يعنى اية الهرى دة كلة ؟؟

يعنى المشكلة ان اللى بيفكر غلط او عندة مشكلة نفسية بيبقى شايف الناس كلها هما اللى مرضى وهوة اللى سليم وبيبدأ يحافظ على نفسة من العدوى اللى ممكن تتنقلة منهم 

طيب والحل؟ 

الحل فى كلمة واحدة .." الموضوعية "

أحكم على الاشياء بموضوعية من منطلق او مبدأ ثابت مش شرط يكون متوافق معاك او لا ... المهم يكون موضوعى يعنى متفق علية ولا يختلف علية اتنين 

زى اية مثلا اللى يخلينى موضوعى واعتمد علية ؟

زى الدين 

زى طريقة النقاش السليم 

زى الطرق العلمية لحل المشكلة ( ان وجدت )

الحاجات دى لو طبقتها صح بالخطوات بالترتيب هتلاقى نظرتك لحاجات كتير قوى اتغيرت 

لان النظرة الموضوعية للأشياء بتبعد عنك هوى النفس والرغبة والجهل بالشىء وعناصر الحكم على الاشياء 

وكل الحاجات دى بتخليك تشوف الناس والحياة كلها حواليك بنظرة ناقصة او مشوشة