لننطلق .. الجزء الثالث .. "معز مسعود".

لننطلق .. الجزء الثالث .. "معز مسعود".

وبأذن الله نكمل سلسلة حلقات  "لننطلق"  بطولة معز مسعود وأحمد  الشقيرى  أخراج أ/عمرو خالد

زى ما أتكلمنا الحلقات اللى فاتت عن أهمية الشكل الجديد للدعاة وشرحنا أهمية الاساليب الجديدة فى الدعوة والشكل الجديد للداعية الاسلامى هنكمل سلسلتنا مع بطل جديد وهوة "معز مسعود"

معز مسعود داعية أسلامى من أبرز الدعاة فى الوقت الحالى ...  وبيرجع أهميتة فى أفكارة العصرية جداً .. واللى قدر يوضحها فى البرامج اللى بيقدمها وأخرها ..  خطوات الشيطان ...

لما نيجى نتكلم عن نقطة قوة هذا الشاب الداعية ونحللة هتجد ان فى الاحاديث الخاصة بية او البرامج اللى بيتكلم فيها كثير من الأحيان بيستخدم عبارات من "أفلام غربية" ..وعبارات من "كتب متخصصة" زى الفيزياء والكمياء والفلسفة لشخصيات من أكبرالشخصيات والعلماء فى الغرب ... والنقطة دى معبرة وقوية جدا على ان هذا الجيل بيتبع الخطوات الاصيلة للأوامر الدينية والنبوية من الاطلاع والتعلم من كل شىء حتى وان  كان مختلف معة فى العقيدة او فى النطاق الجغرافى او العرق ومهما كان الاختلاف او درجة الصعوبة فأنت مكلف بأمر سماوى  بالبحث عن المعرفة وأكتسابها وتسيرها لخدمتك ودة بيتضح فى الاية الكريمة 

بسم الله الرحمن الرحيم 

{ اقْرَأْ بِاسْمِ رَبِّكَ الَّذِي خَلَقَ{1} خَلَقَ الْإِنسَانَ مِنْ عَلَقٍ{2} اقْرَأْ وَرَبُّكَ الْأَكْرَمُ{3} الَّذِي عَلَّمَ بِالْقَلَمِ{4} عَلَّمَ الْإِنسَانَ مَا لَمْ يَعْلَمْ{5} }.

صدق الله العظم 

وأتباعاً للحديث الشريف 

 أطلبوا العلم ولو فى الصين 

ودى زى ما بنقول خير رسالة لان انا بوصلك رسالة بالفعل والاثبات مش بالقول فقط .. ودة تأثيرة أقوى على العقل وبيكتسب ثقة كبيرة جدا بسبب المصداقية لانك بتجد انة بيطبق على نفسة اولا كل المبادىء اللى بيحاول يوصلهالك من مفاهيم دينية 

وكالعادة بعد عن الشكل التقليدى للشيخ او الداعية وبيظهر فى أطار أنسان عادى معاصر كمان عصرى جدا فى ملبسة وحديثة وكمان أطار المعيشة .. عشان يبعد الفكرة الدارجة عند كتير من الناس اللى هيا التشدد المرتبط بالدين واللى منها بيرفض العقل التقرب او الاستماع للشكل التقليدى ودة قمة فى الذكاء من الدعاة الجدد او العصر الجديد من الدعاة .

ثانا نيجى نتكلم عن فكرة برنامج "خطوات الشيطان" 

... انا من وجهة نظرى المتواضعة انك عندما تقصر صورة الاسلام فى الدعوة على قصص من عصور سابقة ومواقف من مئات السنين ...دة فى حد ذاتة ظلم كبير للدين ..  فى حين ان من أكبر نقاط القوة هى قدرتة على استيعاب التغيرات العصرية والظروف المحيطة ودة اللى خلاة على مر العصور بر الامان الوحيد للأنسان 

لما تيجى تشاهد خطوات الشيطان هتجد ان معز مسعود بيظهرلك حاجة مهمة جدا ... "السيناريو الخفى" او زى ما قالتلى أوضح بمثال ... لما بتبقى قاعد تتفرج فى المسرح على مسرحية ... انت كل اللى شايفة قدامك ومنفعل معاة وشاغل كل تفكيرك هيا أحداث المسرحية اللى قدامك على المسرح .. لكن مجاش فى بالك أبداً ان القصة كلها بتتحرك بنائا على ما يحدث خلف الكواليس يعنى خلف الديكور من ملابس وديكورات ونص بيلقن للممثل اللى امامك على المسرح ومخرج واقف ورا الكواليس بيقول للممثلين هيعملوا اية ويتحركوا ازاى على المسرح ..... كل دة مش فى دماغك . وتركيزك الوحيد فى الاحداث اللى بتحدث داخل المسرحية على المسرح امامك 

معز مسعود فى النقطة دى كسر القاعدة ... وبدل من عرض المسرحية بدأ فى عرض الكواليس ....  

وأهمية النقطة دى أننا كلنا ودة الطبيعى عايشيين أحداث الحياة بتاعتنا .. أنما محدش فكر فى المحركات الاساسية للأحدث دى ... اللى هيا النفس البشرية .

ومن هنا بدأ معز يحلل الفكرة عن طريق عرض الحدث عليك من خلال السياق الدرامى 

وبعد كدة بدأ فى تحليل الأحداث"الكواليس الخلفية" اللى بتتلخص فى كيفية تعامل الشيطان مع النفس البشرية .. وطريقة فهمة وتحريكة للأحداث نتيجة خبراتة المتراكمة فى التعامل مع الجنس البشرى زى ما بيعمل كل حلقة 

وعشان الانساس بيرفض لأى شىء بشكلة التقليدى من هنا جت فكرة البرنامج .. انك عايز تتفرج على السياق الدرامى وبردة عايز تعرف الكواليس الخلفية لهذا السياق الدرامى .

وأدخل الى عقلك الحقائق اللى بيرفض عقلك يقبلها فى شكل نصيحة او قدوة من خلال أمثلة امامك .. بل أنة خلى العقل بيسعى لمعرفة تطور الاحداث فى السياق الدارمى ومن خلالة يدخلك تفسير الاحداث وبكدة بتحصل عملية صدمة للعقل انة بدأ يلزم بشىء هوة مش حابة لاة بيواجهة بحقائق متعبة او مؤلمة لية وكان بيحاول يخفيها او يتجاهلها قبل كدة 

وبكدة قدملك عمل كامل الجوانب من أحداث وأسباب وتوابع وعلاج فعلى لما تشاهد ... 

بارك الله فيك وجعل هذا العمل فى ميزان حسناتك أخى معز مسعود ..

http://www.youtube.com/channel/UCGAGH5WHI69p1U2q4f1-fgQ

محمد صلاح