بص يا سيدى .. بالعربى كدة لما الشىء ياخد اكبر من حجمة الطبيعى فى الحقيقة
ولكن فى حاجة بقى
الشىء بالفعل مبيكونش امتد ولا اى حاجة ولكن عقلك هوة
اللى بيعمل كــــــــــل الفيلم دة ...طيب تعالى نحكى الفيلم من الاول
العقل لما بتبدأ تدخلة فى عملية تفكير عقيمة اللى
بنقول عليها over thinking
بيشعر بملل وزى ما قلنا قبل كدة ان العقل بيبحث عن
الاثارة طبعا فبيبدأ يستخدم كل القوى المتاحة امامة عشان يخرج من الجو الممل دة
بيعمل اية العقل ؟بيدخل معاك فى عملية ال over thinking
اللى مسيطرة عليك ويبدأ يدور على النقاط
المبهممة اللى بتسيطر على تفكيرك ويبدأ يشبع
رغبتة من خلال البحث فى الذاكرة الكبيييييرة اللى انت
مش بتستخدمها ومعندكش القدرة على استخدامها ((
ذاكرة العقل الباطن )) واللى اثبت علميا انها
بتحتوى على الذاكرة كاملة من يوم وجودك فى رحم
امك
بيبدأ يجيب من الذاكرة دى ويحط امتدادات للنقاط
المبهمة فتبدأ انت بسهولة بالفعل تخرج من اطار ال
over thinking
وتمشى ورا الامتدادت الجديدة اللى ملهاش اصل على ارض الواقع ومش موجودة غير فى
عقلك انت
طيب الخطر من كدة اية ؟ ... الخطر من الامتدادات دى
انها يتكون مرطع لكل من التالى (( التجارب السلبية
+
وساوس الشيطان + سوء الظن + العقد والمشاكل النفسية + التجارب السلبية للمحيطين
بيك ))
بالتالى الامتدادت دى كفيلة انها تدمر اى شىء انت
بتحاول تفكر فية بطريقة ايجابية وتحولة لطريقة سلبية
مدمرة
طيب انا عايز مثال عام يوضحلى الهرى دا كلة ؟؟
مثلا واحد متقدم لخطبة واحدة .... بيبدأ يفهم الشخص
اللى امامة لكن بما اننا كلنا ناقصين ومافيناش حد
كامل ومافيناش اتنين كربونة من بعض لازم يبقى فى
اختلافات
فتجد انة هنالك بعض النقاط البمهممة فى الشخص امامك
... وبالتالى بما ان الموضوع يهمك فبتدية اكبر
مساحة من عقلك بالتالى يبدأ العقل يشعر بالملل
لان مافيش اثارة .... يبدأ يجيب السلاح المدمر بتاعة ((
الذاكرة )) يبدأ يضع للنقاط المبهممة دى امتدادات
ملهاش اصل فى الواقع تبدأ انت بالفعل تمشى ورا
الامتداد الجديد .. (( وهنا يجى دور انك تسقى
الزرعة الجديدة )) التجارب السلبية + وساوس الشيطان +
سوء الظن + العقد والمشاكل النفسية + التجارب
السلبية للمحيطين بيك
مافيش احلى من كدة وبكدة تبقى نجحت انك تدمر اى حاجة
قدامك
طب الحل فى الهرت دة كلة ... !!
الحل موجود فى كتاب الحلول ... الكتاب اللى مش ناقص
منة حاجة لان اللى قام بكتابتة ونشرة (( الكامل الوحيد )) رب العالمين
تستخدم عقلك فى التفكير الايجابى بس
يعنى تفكر
تضع خطة
تاخد بالاسباب
تتوكل على الله تستخير
مامدام مافيش مبررات او مقدمات للتفكير السلبى ضع لة
نهاية ومتخليهوش يسيطر عليك
ولا تطع من أغفلنا قلبه عن ذكرنا واتبع هواه وكان
أمره فرطا
ومن لم يشغل نفسه بالحقّ شغلته نفسه بالباطل
ليست هناك تعليقات