انسان شخصية ....
انسان شخصية ....
شخصيتك هى كل حاجة انت مؤمن بيها وهى كل المبادىء اللى انت متبنيها واللى بنائا عليها بتاخد كل قرارت حياتك
المبادىء ليها مصدرين ...اول حاجة كتاب ربنا ثانيا الثقافة والخبرات اللى انت بتكتسبها من الدنيا
اول حاجة طبعا كتاب ربنا ليس علية جدال (( لا ريب فية ))
ثانيا الخبرات اللى انت اكتسبتها والثقافة ....
الثقافة مصدرها الاول البيت .. الام والاب دى الحاجاات اللى بنكبر عليها من صغرنا ... عشان كدة تلاقى دور الام والاب فى البيت مهم جدا لانة فى امكانة انة يكسب ابنة شخصية قوية جدا اويطلع ابنة مريض نفسيا
يبقا لما توصل فى يوم من الايام للدرجة اللى تخليك تميز افعال اهلك الصح والغلط وتكون قادر على انتقادها وتصحيحها ... دى قمة النضوج ... مش قلة ادب ابدا ... دى قمة الادب ... لو قدرت تصلح عيوب اهلك وابنك يجى يصلح عيوبك وابنة وابنة وابنة ... دى اسمها حضارة واسما جيل افضل فأفضل فأفضل كل جيل افضل من اللى قبلة .
ثانيا / القراءة ... انتقى بدقة اللى هتقراة ... وقبللللللللللللللللل ما تبدددددددددددأ قراية
حط مبدأ انك ممكن اللى هتقراة دة يكون مش صح ... ولازم تكون عارف ان اللى كتب الكتاب دة متأثر بخبراتة الشخصية ومش بعيد يكون متأثر بأمراض نفسية كمان او ظروف اديتة انطباعات بعيدة كل البعد عنك وعن حياتك انت .
المصدر التانى : الخبارت المكتسبة .. الخبرات بتيجى من الاحتكاك او القراية او المرور بظروف حادة بترسم شخصيتك
ودة المصدر الاول لعيوب الشخصية
الخبرة السلبية ... اتكلمنا قبل كدة وهنتكلم عليها تانى
اخبرة السلبية انك تاخد الدرس غلط وهنحط مثال زى ما يمسية بالخير بقى اللى قالى استخدم امثلة
انت ماشى فى طريق عكس وجة امين الشرطة خد الرخص ودفعك غرامة ... تقوم تلجاء للى حواليك تقولهم الصح كان المفروض اعمل اية تلاقى اللى بيقولك كان المفروض ترشى امين الشرطة (( خبرة سلبية )).
تعاكس واحدة فى الشارع تسايرك فى الكلام تروح معمم الحكم على كل البنات انهم متربوش (( خبرة سلبية )).
تكون مقصر فى شغلك والمدير بتاعك اللى علمك كل حاجة ولية فضل عليك يديك خصم تلاقى عقلك بيجمع كل الافكار السلبية عنة وتنسى كللللل اللى عملهولك ... مش كدة وبس دة انت تبدأ تخترع قصص وتبدأ توصل للى حواليك قد اية هوة ظالم وقد اية انت مخلص فى شغلك ويقتنعوا بكدة فتبدأ انت كمان تصدق الكدبة اللى انت اخترعتها وتاخدها بما انها نجحت تبقى مبدأ من مبادىء حياتك (( خبرة سلبية شخصية ))
اى مشكلة فى حياتك هتلاقى سببها خبرة سلبية ... دور على الخبرات السلبية اللى جواك مش عيب .... دى نفسك يعنى انت . هتلاقى نفسك بتعيش حياة جميلة بالفعل وااااااقعية مش حياة فى دماغك انت بس تبعا لقوانينك انت بس .
ليست هناك تعليقات