(( ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ
وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ
عَنْ سَبِيلِهِ وَهُوَ أَعْلَمُ بِالْمُهْتَدِينَ
))
سبيل ربك بمعنى الطريق الى الله اللى هوة طريق النجاح اللى هوة الطريق اللى بيرغب
كل بشرى فى
السير بية ولكن للأسف بيفشل معظمهم ..
طيب لية بيفشل .... الانسان عشان يبدأ يتغير للأفضل
لازم يعلم تماما نقاط السوء وسببها !!
كلام قديم وكلنا عارفينة ولكنا حاولنا وفشلنا ذى معظم
البشرية !!
الجديد بقى ان الفشل بيجى من محاولة التغير نفسها
بمعنى ان التحول او الطريقة المتبعة للتحول هى
الخاطئة ..
الانسان بيعمل التالى : يعرف نقاط السوء يبدأ فى تحول
كلى مباشر دون التعمق
للأسف الانسان بداخلة شىء ثابت فى العقل يسمى
((البارادايم)) اللى هوة النموذج الفكرى اللى بيتبعة
العقل فى التصرف
.... الطريق اللى عقل راسمة لينا فى كل تصرفاتنا وعادتنا
البارادايم دة بالفعل أقوى عناصر النفس البشرية ومن
صفاتة الاولى الرفض التام لاى تغير مفاجىء فى
الشخصية بمعنى
انة عامل زى المناعة ضد اى تغير مفاجىء
طيب وبعدين انت عايز اية يعنى من الفحت دة كلة ؟؟
اللى انا عايز اقولة ان البارادايم لن يمكن التغلب
علية للتحول الى انسان افضل بطريقة مباشرة مرة واحدة
لانة هيرفضها تماما
لازم نستخدم السلاح اللى ربنا قال علية ... الحكمة ..
طيب لية .. الحكمة بتقول ان الزفت البارادايم دة
هيرفض اى تغير
مباشر ... يبقى انت لازم تدخل التغير بطريقة غير مباشرة وهيا انك تبدأ تغير نظرتك
قبل ما
تغير افعالك
.. تبدا تغير احكامك قبل عقابك وثوابك ... تبدأ تغير مبادئك قبل ما تغير قراراتك
واحدة واحدة ...
بكدة تقدر تدخلة من جانب اخر غير محصن .... بالحكمة
والموعظة الحسنة
ليست هناك تعليقات