سجن .... !
سجن .... !
انت تعرف ان كل واحد فينا بيختار مجموعة سجون ويحبس نفسة فيها طول عمرة !! اة والله .
مننا اللى بيختار فكرة وينتمى ليها انتماء اعمى ويسجن نفسة جواها ويمنع نفسة انة يشوف اى فكرة جديدة
مننا اللى بيتبع اسلوب حياة معين ويمنع نفسة انة يجرب اساليب جديدة ويسجن حياتة داخل اطار هذا الاسلوب
مننا اللى بيسجن نفسة داخل نظرة معينة للأشياء ويرفض تغير هذة النظرة مهما تغيرت العوامل من حولة
مننا اللى بيسجن نفسة داخل تفسيرات هوة بس اللى فسرها وملهاش وجود على ارض الواقع ويرفض اى تفسير اخر
مننا اللى بيتسجن داخل عقلة ويعامل قضاياة ومبادئة على انها مسلمات لا يجوز الشك فيها
أطلع من السجون اللى انت حبست نفسك جواها ... أسمع للناس .. فكر فى اللى بتسمعة ... حط مقاييس تقيس عليها افكارك ( مبادىء ) ...
متتعاملش مع اى حاجة على انها ثوابت مافيش حاجة ثابتة ... الكون كل يوم بيتغير .. فكر وقيس كل حاجة بمقايسها الصحيحة مش مقاييسك انت ... انت مش المقياس
دماغك ومخك وأفكارك عاملة زى الغرفة بالظبط .. لو مفتحتش الشباك كل يوم عشان الهوا اللى جواها يتغير .. هتعمل بكتريا وأفكار ملوثة وسطحية بسبب عدم التعرف على المتغيرات اللى بتحصل حواليك .... أفتح الشباك .. شوف الدنيا جديدة كل يوم .
محمد صلاح
ليست هناك تعليقات