حرية .. معنى حقيقى .

حرية .. معنى حقيقى .

أى أنسان بيحب الحرية بطبيعتة .. ودى حقيقة فعلية

طيب بما أننا أحرار حرية مطلقة ..

 يعنى اية حرية بقى !!

كل أنسان مننا بيعيش بحرية كاملة ولو سألتة هيقر بكدة .. طيب هل فكرت فى يوم 

من الايام فى معنى كلمة حرية ..

معنى كلمة حرية هى عدم الخضوع لشىء او عدم التقييد بشىء  .

طيب هل احنا فعلا فى حياتنا اليومية احرار بالفعل ؟

بالفعل ربنا سبحانة وتعالى خالق كل البشرية مع عنصر الرغبة والقدرة .. يعنى اى

  انسان عندة القدرة انة يقوم بأى شىء سواء صح او غلط حلال او حرام ...

طيب هل كدة فعلا بما أننا معانا القدرة على الاختيار والفعل يبقى أحنا كدة احرار ؟

الاجابة ............. بالفعل لا ..

 طيب لية !!

لما تلاقى حد بيشرب سيجارة على سبيل المثال وتيجى تقولة انها فيها ضرر ...

  الرد الطبيعى لو انسان عنيد هيقولك انا حر فى اللى اعملة .... وهوة دة المعنى

 الحقيقى لعدم الحرية والخضوع .. لانة فاهم الموضوع غلط ... هوة متخيل انة 

بما أنة يملك القدرة على انة يعمل حاجة غلط زى دى ان دى فى حد ذاتها حرية

... مع ان دة على العكس تماما .. 

دة بيخضع خضوع تام لهذة العادة السيئة وهوة 

بالفعل عبد ليها ... فين بقى الحرية فى خضوعة للعادة دى !!

لما تجد انسان بيحاول يشبع رغباتة بأى شكل من الاشكال ومش بيقدر يسيطر على 

هوائة ونفسة  ويكون تفسيرة انة حر ... فين الحرية فى خضوعة التااااااام للرغبات 

بداخلة وانة غير قادر فى السيطرة على نفسة وعبد وخاضع تااااااام لهذة الشهوات !!

وبكدة تجد ان الشيطان لعب لعبة قوية جدا فى انة يلعب بالمعانى وكالعادة يخلط 

وجعلك تظن انك لما تبقى عبد لشهواتك وهوائك تبقى انت كدة حر .. منين حر 

ومنين عبد وخاضع !!

السؤال الشيطانى الطبيعى اللى هيجى على بالك حالا ... طيب أزاى هنبقى احرار 

ونبقى خاضعين لله ؟؟ مش أحنا كدة خاضعين .. يعنى مش احرار !!

تعالى نقهر الشيطان بالشىء اللى ربنا فضلنا بية على كافة المخلوقات ... العقل .

يعنى اية الخضوع لله ؟؟  ... يعنى تنفيذ اوامر الله ... طيب هيا اية اوامر الله ..

" وَلاَ تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلاً " (الإسراء:32)

متبقاش عبد لشهواتك الجنسية

وَالسَّارِقُ وَالسَّارِقَةُ فَاقْطَعُواْ أَيْدِيَهُمَا جَزَاء بِمَا كَسَبَا نَكَالاً مِّنَ اللّهِ وَاللّهُ عَزِيزٌ حَكِيمٌ

متبقاش عبد للمال الحرام

 فَإِنْ لَمْ يَسْتَجِيبُوا لَكَ فَاعْلَمْ أَنَّمَا يَتَّبِعُونَ أَهْوَاءَهُمْ ۚ وَمَنْ أَضَلُّ مِمَّنِ اتَّبَعَ هَوَاهُ بِغَيْرِ هُدًى مِنَ اللَّهِ ۚ إِنَّ اللَّهَ لَا يَهْدِي الْقَوْمَ الظَّالِمِينَ ﴿٥٠﴾ ...

متبقاش عبد لهوائك وأفكارك

شوفت ربنا بيأمرك بأية ؟؟

 متبقاش عبد للمال ولا للشهوات ولا للنساء ولا لهوائك ولا لأفكارك ولا ولا وولا  

ربنا بيأمرك أنك تبقى حر ... فعلا دة معنى الأوامر الربانية ... ربنا بيأمرك 

بالتحرر من كل هذة القيود بيأمرك تبقى حر ..

يبقى قمة المنطق والعقل انك تتبع هذة الاوامر الألهية لانها هيا اللى بتحررك

على عكس ما الناس بتظن ان الدين قيود او موانع او محرمات ... بل ان الدين

 بيحررك من كل الحاجات دى اللى بتستعبدك استعباد تام .. ويأمرك الدين انك 

تتحرر من كل الاشياء دى .

الخلاصة هنا ان 

ربنا خلق الانسان لة ... وخلق الكون كلة وسخرة للأنسان

يجى بعد كدة الانسان ويقلب الاية وبدل ما ربنا سخرلة الكون كلة ... يقوم الانسان 

يجعل الكون هوة اللى يتحكم فية ... ويبقى الانسان عبد للشهوات الكون ومغريات 

الكون من حولة ودى قمة الاستعباد اللى الانسان بيقيد نفسة بية ...

يبقى كل ما ذادت تبعيتك والتزامك بالأوامر الربانية ذادت حريتك وذاد تحررك من القيود .

شوفت الشيطان لعبها ازاى وخلط المعانى علينا .... ها هتكمل بردة وتبقى عبد 

وتكتف نفسك ... ولا هتحرر نفسك وتبقى حر حرية مطلقة ؟

  محمد صلاح

:)