منطقى او غير منطقى
منطقى او غير منطقى
عنوان غريب حبتين .. بس فعلا معبر عن اللى هقولة ...
من اكتر الحاجات اللى ممكن تخليك تحكم على انسان ودرجة الرقى التفكيرى والعقلى الخاص بية هو قدرتة على تقبل النقد من اى حد مخالفة لة فى الرأى .. ..... طيب انا هعمل انهاردة حاجة قمة فى الرقى .... انا هنتقد نفسى .. ايــــــــــوة هنتقد نفسى امامكم .
فى كتير من المواقف للناس اللى يعرفونى هيعرفوا قد اية انا كنت بنتقد فى الكتير منهم طرق التفكير او التصرف السلبى فى العديد من المواقف اللى بنمر بييها ... وكان مؤخرا نتيجة بعض الظروف المحيطة بيا .. بدأت فى التفكر فى افعالى وردود افعالى ايضا فى كتيـــــــــــر من الحاجات ... وكاااااانت المفاجئة اكبرى ...
انا بفكر بنفس الطرق اللى بنتقدها ...
من الغباء وغير المنطقى انك تفكر فى النتيجة زى ما بتفكر فى الفعل نفسة
ومن شدة الغباء انك تفكر فى النتيجة أكتر من تفكريك فى الفعل نفسة ...
يعنى اية ؟
يعنى كمثال انك تفكر هل هتجد شغل بعد ما تخلص جامعة وتجد ان هذا التفكير بيبدأ يشغل بالك لدرجة قد تؤدى الى اهمالك فى الفعل الاساسى اللى المفروض تعملة اللى هوة المذاكرة والاهتمام بدراستك ... ودة اقل ما يقال انة قمة فى الغباء .
انت كدة بتشغل بالك بالشىء الغيبى . المجهول .. المستقبل ... اللى هيا من الاخر الحاجة اللى انت ملكش قدرة على التحكم بيها بغير مشيئة الله ... وبتهمل الحاضر .. الواقع ... اللى انت لك يد فية وهتحاسب علية .
وشوف كام صورة معايا من نفس التفكير السلبى
واحد تلاقية بيفكر فى الزواج وكتر تفكيرة يسبب لة أحباط انة تأخر وقد اية الموضوع صعب مما يؤدى الى اصابتة بالاكتئاب وأهمالة لعملة وشغلة وحياتة .
واحد تلاقية بيفكر فى العمل من وهوة لسة بيدرس ويبدأ يكتسب الكلام السلبى اللى بيسمعة زى ما سمعنا كلنا ان مافيش شغل فى البلد والشغل بالوسطة بس ويبدأ من هذة السلبية فى الشعور بالاحباط وتبدأ سلسلة الاهمال والاخفاقات .
واحد تلاقية خايف يصاب بمرض ما نتيجة انة عرف ان هذا المرض على سبيل المثال وراثى فى العائلة وان كتير من أهلة توفوا بسبب هذا المرض .. فتجدة بدأ فى أهمال كل شىء زى ما يكون بيستعد للمرض .
كل دى أمثلة انا شوفتها قدام عينى وكتير منها انا كنت بطل القصة .
هل طريقة التفكير دى منطقية !! ..... هل انت بتجدها ايجابية !! ..... هل أنت متخيل ان الله سبحانة وتعالى أعطاك شىء يسمى بالعقل وفضلك بية عن كااااااااااااااافة المخلوقات عشان يستخدم بالطريقة دى ويصل للنتائج دى .!!
أكــــــــــــــــــــــــــيد لأ .
أستخدم المعادلة السحرية .... خليك منطقى .
الماضى قد تم وانتهى وليس لك اى قدرة على مسحة او تغيرة .
المستقبل فى علم الله وليس لديك اى يد او قدرة فى تغيرة او التنبأ بة .
أنما الحاضر هوة النقطة الوحيدة اللى انت مطالب بيها ... ودة كلام منطقى لان الحاضر هوة الزمن الوحيد اللى لك قدرة بة وقادر على أحداث تغير فية بمشيئىة الله .
ونقــــــــــــــــــــــول تانى ... انت غير مطالب أمام الله بالنتائج ... انت مطالب بالعمل والسعى ...
لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ
وهنا أثبات من الله سبحانة وتعالى انك محاسب على ما فعلت وليس على ما وفقت فية وما لم توفق ... انت محاسب على ما تقوم بة يدك أمام الله ورسولة
{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ}
اعْمَلُوا
اعْمَلُوا
اعْمَلُوا
اعْمَلُوا
اعْمَلُوا
ما أنت مأمور بة هوة السعى والعمل فقط
ودع ألأمر لمن بيدة الأمر ... اللذى أمرة بين الكاف والنون ... والله يعلم وأنتم لا تعلمون :)
ليست هناك تعليقات