الشيطان المحتل ...
الشيطان المحتل ...
الانسان بيتعامل مع عقلة على انة كامل وان كل ما يصل لة العقل بيبقى ثوابت ... ودة خاطىء تماما ...
وزى ما كلنا عارفين انة من تمام العقل هوة اليقين التام بنقصان العقل ... يعنى اية !!
يعنى قمة العقل والحكمة انك تكون على ثقة تامة ان العقل غيركامل الصحة او اليقيين او الادراك
ولما بيضع الانسان فى ذهنة انة قادر على التغلب على الشيطان من خلال العقل المجرد دى بتكون اولى خطوات انتصار الشيطان ..
الشيطان قادر على اقناعك بحجج عقلية غير عقيلة من الاساس حتى تصبح بوابتة اليك ... يعن اية ؟
يعنى الشيطان ممكن يقنعك بحجج عقلية انك على صواب ... فى حين ان هذة الحجج منافية للعقل والمنطق .. ولكن مطابقة لهواك وبكدة يبقى زى اللى وضع قنبلة داخل بوكية ورد ...
ومن الخبرات الكبيرة لدى الشيطان انة بيبقى عارف ان العديد من العقول بترفض الافكار المنافية والمعاكسة للدين .. لذا يلجأ الشيطان الى سبيل أخر للوصول الى هذة الفئة من الناس عن طريق اللعب فى المعانى الاساسية للدين والاحكام والأوامر الدينية .. ويبدأ يدخل هذة التعاليم والمفاهيم الخاطئة .
وبكدة انت بقيت جندى من جنود الشيطان .... كلمة تقيلة صح !!
بس للأسف هوة دة المعنى الدقيق للدور اللى هتقوم بية .. ودة ناتج انك هتبذل كل ما فى وسعك وقوتك عشان تنشر هذة القييم لانها العقيدة اللى انت فاهمها وهتدافع عنها .. ومن هنا تبقى جندى من جنود الشيطان فى نشر هذة المفاهيم المغلوطة والتعاليم اللتى يبرأ منها الدين بل فى الكثير من الاحيان بتكون متعارضة معارضة تامة للمعنى الاساسى للدين . ...
الحل ...
الحل هوة استخدام كل أدارة فى مكانها السليم ,,,, بمعنى انك لما تيجى توقن لشىء يجب ان تستخدم الأداة السليمة للفهم والاستيعاب .. بمعنى
.. لما تيجى تتدبر فى الكون اللى بيظهر فى كل ملامحة قوة الله ووحدانيتة يجب ان تتدبر بعقلك اللى ربنا فضلك بية على كافة المخلوقات ... ووضعة فيك للتفكر فى الكون والمخلوقات والطبيعة المحيطة فيك لتستخدمها كما أمرك الله وسخرها لك وحدك كمستفيد أول ومستخلف فى الارض .
عندما تتدبر فى الذات اللألهية من غير لطبيعى ان تستخدم العقل المادى المجرد فقط... لان من غير المنطقى ان تخضع الذات الالهية الى العقل المادى البسيط المجرد بكل ما فيها من معانى سامية وقدرات تفوق العقل ... ومن المنطقى انة اذا خضعت الذات الالهية لقدرات العقل المادية المجردة .. لا كون ذات الاهية .
عندما تتدبر فى الاوامر السماوية يجب ان تتدبر بها بالعقل والقلب .. بالعقل لانك هتجد فى كل اية وكل أمر مصلحة الانسان واسلوب الحياة الامثل اللى بيتناسب مع كل مكان وزمان ووقت وشروط وان دة الطريق الوحيد لان تحيا لما خلقك الله لك
... وتستخدم قلبك ايضا لتصل لدرجة من الرضاء واليقين بأن هذا هو المصدر الاساسى لما يسمى بالراحة النفسية التى لا تكتمل الا بصفاء كل من العقل والقلب بعتبارهما مصادر اليقين والادراك لدى الانسان .
اذا أخرجت الله من المعادلة ... لن تجد حدود لشىء .
ليست هناك تعليقات