in or out

in or out 

عارف الحتة دى ترجمتها بالعربى اية .... واقف على الباب لا منة جوة ولا منة برة ... عارف الحتة دى 

الحتة دى هيا اللى بيضيع الانسان عمرة كلة وهوة واقف فيها .... خايف ليدخل يبقى ضيع اللى كان فية وخايف يخرج يبقى ساب فرصة مش هتتعوض 

الحتة دى سبب فشل اغلب البشر فى حياتهم .... طيب تعالى نتكلم بالعقل !

هوة انت هتعرف ان اللى انت كنت فية دة احسن ولا اوحش غير ما تجرب حاجة تانية ازاى ؟

الاحتمال التانى انك خلاص سيبتة ودخلت حاجة تانية ... طيب اية المشكلة ان اختيارك طلع غلط ... ماهوة كدة انت خلاص اتعلمت حاجة عمرك ما هتغلطها تانى 

وعرفت باب مش هتفتحة تانى 

يبقى لو اتعرضت للموقف ة تانى وقدامك بابين هتلاقى الباب القديم واحد منهم يبقى المرة دى هتختار الباب الصح 

in or out .... خد قرار ... مش هتفرق صح ولا غلط .... اهم حاجة انك تقرر ... in or out