شهوة الفكرة ...

شهوة الفكرة ...

هوة فى شهوة فى الفكرة !! ..... مش عارف .. طب تعالى نترجمها مع بعض 

تعريف كلمة شهوة : هى شعور يدفعك لللقيام بسلوك معين لأشباع هذا الشعور 

بغض النظر عن طريقة الاشباع هل تخضع للمنطق او لا او للحلال او الحرام ولا 

تخضع لأى شىء أو قيود .

نعرف بقى شهوة الفكرة : شهوة الفكرة هيا بردة شهوة هتدفعك للقيام بسلوك معين 

بهدف أشباع الفكرة دى .

طيب اية المشكلة .. وأعرف منين انها فكرة غلط او فكرة مش صحيحة ؟؟

(( شهوة )) 

الفكرة دى هتتولد من نقاشك مع أى شخض وتكون نتيجة النقاش دة اختلافك معاة

... تبدأ هنا الشهوة

علامات ولادة شهوة الفكرة


 هتجد نفسك عقلك بدأ فى عملية تجميع كل الافكار السلبية والنقاط السلبية فى

 الشخص اللى انت اختلفت معاة ... وممكن تكون النقاط دى مش موجودة غير فى

عقلك انت ... وبكدة يبقى رسمت صورة سيئة للشخص دة ولأفكارة فى مخك وتبدأ

تقنع نفسك بالفكرة السيئة دى عن الشخص دة ... وكل دة عشان تحافظ على فكرتك

من انها يتم مناقشتها داخل عقلك لأنك متأكد ان لو عقلك بدا فى مناقشتها هيقتنع

بخطأها ويبدأ يدمرها ... 

المضاعفات : المضاعفات بتكون فى نقتطين :-

النقطة الاولى (( الموقف الدفاعى العقل )): الدفاع عن الفكرة .

بتبدأ ترى من منظورك انت كل شىء بما يتناسب مع الفكرة اللى انت اتبنتها وان اى

شىء مضاد للفكرة دى يبقى سىء ويبدأ عقلك يعمل اللى شرحناة فوق


(( علامات  ولادة شهوة الفكرة )) .

النقطة التانية (( التعزيز )) : تقوية الفكرة . 

التعزيز هوة التقوية واللى من خلالها بتبدأ فى التقرب من أشخاص متبنين لنفس

فكرتك والغريب هنا انك هتجد انك بدأت تتبنى لمبادىء خاصة بالناس دى انت كنت

رافضها من البداية ولكنك دلوقتى على استعداد تام لقبول أى شىء مادام بينتموا لنفس

فكرتك .

العلاج 

العلاج بيكون عن طريق فصل المشاعر يعنى مش عشان شخص بيعاكسك فى 

الافكار يبقى ابنى افكار سيئة واشوة صورتة قدام نفسى وأبدأ اصدق الكدبة اللى انا 

عملتها والصورة اللى انا رسمتها ... أبدأ فى اولى خطوات العلاج وهيا أنى لما 

اختلف مع حد فى فكرة او نقاش معين لما اقعد مع نفسى ابدأ افكر فى مميزات تفكير 

الشخص دة والايجابيات اللى قالها والحاجات اللى بتعجبنى فى طريقة تفكيرة ..

 وبكدة ابقى منعت اولى خطوات الشهوة اللى هيا عدم الخضوع للواقع والمنطق .