شهر صيانة وترميم .... عن رمضان أتحدث .

مش قادر انام قبل ما اكتبها فعلا ...يمكن تغير حياة انسان ..

بداية خلق الانسان هل بيتولد على الخير ولا على الشر ؟؟

بيتولد على الفطرة ...... طيب الفطرة دى خير ولا شر ؟؟

بسم الله الرحمن الرحيم

فَأَقِمْ وَجْهَكَ لِلدِّينِ حَنِيفًا فِطْرَةَ اللَّهِ الَّتِي فَطَرَ النَّاسَ عَلَيْهَا لا تَبْدِيلَ لِخَلْقِ اللَّهِ ذَلِكَ الدِّينُ 

الْقَيِّمُ وَلَكِنَّ أَكْثَرَ النَّاسِ لا يَعْلَمُونَ مُنِيبِينَ إِلَيْهِ وَاتَّقُوهُ وَأَقِيمُوا الصَّلاةَ وَلا تَكُونُوا مِنَ 

الْمُشْرِكِينَ

صدق الله العظيم

يبقى كدة الفطرة اللى بيخلق عليها الانسان هيا فطرة الخير والايمان والتوحيد بالله 

عز وجل ..

وكل اللى ربنا بيطلبة منك انك لما ترجعلة ترجعلة على الفطرة اللى خلقك عليها ...

بسم الله الرحمن الرحيم

فِطْرَةَ اللَّهِ الَّتِي فَطَرَ النَّاسَ عَلَيْهَا

صدق الله العظيم

هنقول مثال كالعادة زى ما قالتلى ...

الموضوع بالظبط زى المشهد التالى .. الانسان موضوع فى دائرة .. الدائرة دى 

عبارة عن سور بيحيط بية ... السور دة هوة الفطرة اللى ميقدرش الشيطان يخترق 

منها لانها تابعة لله عز وجل ... انما السور دة فية بوابة صغيرة ... البوابة دى 

هيا 

النفس البشرية ... والشيطان واقف برة الاسوار دى ... هوة عارف ومتاكد يقين 

تام

انة مالوش مدخل ليك غير من البوابة الوحيدة اللى فى الحصن بتاعك ... البوابة دى

 هيا نفسك البشرية  .... وطول عمر الشيطان بيحاول يكسر فى البوابة دى وكل ما 

يكسر اكتر يدخل حياتك اكتر ..

طيب والحل ؟؟

عارفين الحل اية ؟؟  الحل فى رمضان .

الموضوع بيبقى صعب لان عليك نوعين من الضغط  ... خارجى (الشيطان) ... 

وداخلى (نفسك البشرية)

فـ رمضان بقى انت بتتخلص من الضغط الخارجى .. ثبت عن النبي صلى الله عليه 

وسلم أنه قال: (إذا جاء رمضان فتحت أبواب الجنة وغلقت أبواب النار، وصفِّدت 

الشياطين) متفق على صحته

يبقى كدة تخلصنا من الضغط الخارجى ... فاضل الضغط الداخلى .اللى هوة البوابة 

اللى فى السور .. اللى هوة نفسك البشرية .. بصيامك لرمضان بتصوم عن 

الشهوات بتبقى بالظبط زى اللى رابط حصان بلجام قوى جدا ومنعة من انة يجرى 

.. انت فى الصيام بتعمل كدة فى شهواتك بتقتلها ... ومن ناحية تانية انت قاعد 

تعمل فى عمليات ترميم وصيانة للبوابة ... اللى هيا نفسك البشرية ... بمجرد 

انتهاء رمضان هيرجعلك الشيطان الخاص بيك عشان يجد ان البوابة بقت أقوى من 

الاول وان كل الاخرام والكسور والعيوب اللى فيها اتلحمت واترممت كمان وبقت 

أقوى .

عرفت لية رمضان دة فرصة لن تعوض .. شهر صيانة وترميم .... يا ترى 

هتسيب نفسك مشروخة ومكسرة يدخلك منها اللى يشقلب حياتك ويدمرها ... ولا

 هتقوم معايا نرمم البوابة دى قبل ما يجى الشيطانى تانى ....