المضون ... الحلقة التانية .
المضون ... الحلقة التانية .
كلنا دخلنا مدارس ... بس مش كلنا متعلمين
اى حد ممكن يحب ... بس مش كلنا بنقدر ننجح العلاقة
كلنا ممكن نشتغل .... بس مش كلنا بنقدر نتقدم ونحقق نجاح
كلنا ممكن نقرا .... بس مش كلنا ممكن نقدر نوصل للرسالة اللى الكاتب عايز يوصلها
كلنا ممكن نتجوز ... بس مش كلنا نقدر نحافظ على مستوى سعادة ثابت فى كافة مراحل الزواج
كلنا ممكن ناخد كورسات ... بس مش كلنا بنخرج منها أفضل
دور على مضمون الشىء اللى انت بتعملة الاول ومتبصش للشكل الخارجى بس وانت مش عارف
الهدف اصلا من اللى بتعملة دة اية
الهدف من التعليم مش الشهادة
الهدف من الحب مش المتعة
العدف من القراية مش تدريب العين
الهدف من الجواز مش الفرح
الهدف من الكورس مش خانة فى الـ CV
دور على مضمون الشىء قبل ما تعملة لان مضمون الشىء هوة هدفة
بمثال بسيط قوى .... انت عامل زى اللى شاف الناس كلها بتعمل حاجة عمل زييهم ... لقى الناس لما بتمسك البرتقان بتقشرة ... مسك هوة كما البرتقانة وقشرها ولما خلص تقشيرها رماها ...
لانة ميعرفش هوة كان بيقشرها لية اصلا ... متستغربش ...
دور فى حياتك هتلاقيك قشرت حاجات كتير قوى وانت مش عارف انت قشرتها لية من الاساس .
ليست هناك تعليقات